Një tërmet me magnitudë 4.8 ballë sipas Qendrës Sizmologjike Mesdhetare Evropiane është regjistruar 15 km nga Plovdivi dhe 146 km nga Sofja. Epiqendra e tërmetit ishte në veri të Asenovgradit. Lëkundja ka ndodhur në orën 15:26 dhe ka qenë 4.5 km e thellë. Tërmeti është ndjerë edhe në Sofje. Gjashtë minuta pas tërmetit, u regjistrua edhe një pasgoditje me magnitudë 2.1 ballë të shkallës Rihter.

Banorët e Plovdivit e ndjenë të fortë lëkundjen për rreth 10-15 sekonda. Deri më tani nuk ka raportime për dëme të rënda. Njerëzit në fshatin Krumovo, i cili është në afërsi të epiqendrës, ishin shumë të frikësuar, tha kryebashkiakja Rumjana Samokovareva për BNR Plovdiv. Sipas saj, ka oxhaqe dhe tulla të rrëzuara. Trazirat janë ndjerë të forta edhe nëqytetin Sadovo, por nuk raportohet për dëme në godina.