Për një vit tjetër, Muzeu Etnografik Rajonal në Plovdiv mblodhi mjeshtrit – të ashtuquajturat "thesare të gjalla njerëzore", për të marrë pjesë në edicionin e 15-të të Javës së Artizanatit Tradicional. Në oborrin e muzeut është formuar një pazar i vërtetë punishtesh artizanale. Vizitorët mund të mësojnë hollësi interesante për zanate të tilla si thurje në tezgjah vertikal, punim qilimash prej leshi, punime me gjilpërë, pikturim mëndafshi etj. Deri të premten (30 qershor) do të ketë demonstrata nga gdhendësit e drurit, shportabërësit, farkëtarët, thikabërësit etj. Një kulm i veçantë i javës së këtij viti është artizanati i argjendarisë me materiale dhe teknika të ndryshme.