Pas kthimit të tij nga Rumania, kryeministri Nikollaj Denkov i cilësoi komentet e presidentit Rumen Radev për luftën në Ukrainë si një provokim. Denkov theksoi se në asnjë mënyrë nuk mund ta konsiderojë “si kërcënim për sigurinë tonë kombëtare dërgimin e transportuesve të blinduar, të cilat nuk janë përdorur asnjëherë dhe janë në depo për më shumë se 40 vjet”.

• Bullgaria do të dërgojë transportues të blinduar në Ukrainë

Arsyeja e komentit të tij ishte fjalimi i presidentit Rumen Radev në hapjen e tubimit të Krijimtarisë Kombëtare të Rozhenit, në të cilin ai kritikoi qeverinë. Radev theksoi se është “koha e duhur që të fillojmë të mendojmë me maturi dhe objektivitet për luftën në Ukrainë dhe për qëndrimin tonë ndaj saj”. Ai theksoi se dërgimi i ndihmës ushtarake në Ukrainë nuk rrit sigurinë e Bullgarisë, por çon në zgjatjen e luftës dhe shumëfishimin e viktimave dhe shkatërrimeve.

Presidenti komentoi edhe zgjedhjen e kryetarëve të komisioneve të përhershme të Kuvendit Popullor dhe i cilësoi ato si “pushtet kundrejt legjitimitetit në kurriz të votuesit të mashtruar bullgar”. 

• Borisov drejtoi komisionin për politikën e jashtme, Petkov - për çështjet e BE-së