Një kalendar me foto të pamjeve kulturore apo historike nga Bullgaria është duke u përgatitur për vitin e ardhshëm nga Shoqata Bullgare “Ëndrra” në qytetin e Katalonisë Lerida, i njohur ndryshe edhe si Lejda.
Në secilën faqe të tij do të vendoset një foto e një këndi interesant në një qytet apo fshat bullgar, me informacion të shkurtër për objektin e paraqitur.
Ata që dëshirojnë të kontribuojnë në krijimin e kalendarit mund të ngarkojnë fotografinë e tyre të zgjedhur në faqen e Facebook të Shoqatës së Bullgarëve në Lejda – “Ëndrra”, ose ta dërgojnë në email - catalaconta@gmail.com.
Në fund të qershorit, bullgarë dhe katalanas nga trupa teatrore “Ëndrra” prezantuan pjesën “Milioneri” në gjuhën katalanase në kuadër të ekspozitës së arteve teatrore të mbajtur në Lejda.
“Milioneri” i klasikut të letërsisë bullgare Jordan Jovkov është shfaqja e parë teatrore bullgare që prezantohet në katalanisht. Veprimtaria është pjesë e projektit “Na trego në katalanisht për traditat bullgare” të Shoqatës së Bullgarëve në Leida – “Ëndrra”, qëllimi i së cilës është të mbështesë krijimin e një lidhjeje midis kulturave të dy vendeve. Me të punon edhe Shkolla e së Dielës “Paisij Hilendarski”.
Përpilues: Joan Kolev
Përgatiti në shqip: Svetllana Dimitrova
Foto: Shoqata e Bullgarëve „Ëndrra“
Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..
"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..
Më 13 dhe 14 mars 2025 në Sofje do të mbahet Konferenca "Festivali dhe qyteti", e organizuar nga Shoqata Bullgare e Festivaleve me pjesëmarrjen ndërkombëtare të ekspertëve të Shoqatës Evropiane të Festivaleve. Gjatë forumit do të bëhet një analizë e..