Banalizimi i tezave dhe veprimeve fashiste në muajt e fundit është alarmant, tha presidenti Rumen Radev para gazetarëve. Ai e dha si shembull agresionin në rrjetet sociale dhe përgatitjen e listave të gazetarëve jo të besueshëm.

“Intelektualët bëjnë thirrje për kontroll dhe censurim të mediave. Në të njëjtën kohë, kujtesa e antifashizmit fshihet. Bullgarët shpifin për bullgarët në faqen “Mirotvorec”, dhe qeveria nuk reagon. Qarkullohen tekste të ndryshme revizioniste dhe antisemite. Ky është një sulm kundër lirisë dhe demokracisë dhe shoqëria jonë duhet të jetë vigjilente”, vijoi presidenti.

Për rastin e vajzës së dhunuar në Stara Zagora, kreu i shtetit tha se nuk është një manifestim i shijes që të justifikohen propozimet qesharake për ndryshime në Kushtetutë me këtë akt dashakeq. Sipas tij, nevojiten ndryshime në ligje të ndryshme për të vendosur kritere të qarta për krimet dhe ashpërsinë e dënimeve.

• Dhuna sadiste ndaj një vajze ekspozoi problemet e drejtësisë bullgare

Rumen Radev i krahasoi ndryshimet në ligjin bazë të propozuar nga PP-DB, GERB-SDS dhe DPS si “pjesë e ofensivës kundër demokracisë”.

• 166 deputetë paraqitën një projektligj për ndryshimin e Kushtetutës