Kombëtarja e Bullgarisë regjistroi fitore mbi Peru dhe u kualifikua në fazën e 16-të të Kampionatit Botëror të Volejbollit për vajza nën 19 vjeç në Hungari dhe Kroaci. Në qytetin hungarez Seged, të rejat bullgare u imponuan me rezultat 3:0 (25:22, 25:16, 25:19) dhe përfunduan në vendin e dytë të renditjes nga grupi “C” pas Italisë. Humbja e vetme e skuadrës bullgare është pikërisht nga “Squadra Azura”, e cila fitoi të gjitha ndeshjet e deritanishme. Kundërshtari i radhës i bullgareve do të jetë Hungaria, një nga nikoqirët e Kampionatit Botëror. Hungarezet përfunduan në vendin e tretë në grupin “A”. Takimi mes dy skuadrave është të hënën në orën 19:00 me orën bullgare.