Centrali Atomik Elektrik “Kozlloduj”mund të negociojë dhe të marrë furnizime të pjesëve dhe komponentëve nga kompanitë ruse për riparimin e planifikuar vjetor të njësisë 6. Pas marrjes së një letre nga centrali ynë bërthamor dhe me propozimin e ministrit të energjetikës, qeveria i dha centralit “Kozlloduj” një derogim nga ndalimet e vendosura nga Rregullorja nr. 833/2014 për masat kufizuese për shkak të veprimeve të Rusisë që destabilizojnë situatën në Ukrainë.

Centrali Atomik Elektrik “Kozlloduj”është i vetmi central bërthamor në Bullgari, i cili është prodhuesi më i madh i energjisë elektrike në vend. Ai siguron më shumë se një të tretën e prodhimit vjetor kombëtar të energjisë elektrike dhe është një faktor kyç për sigurinë energjetike të vendit. Impianti është ndërtuar sipas një projekti sovjetik dhe një pjesë e madhe e sistemeve dhe pajisjeve të tij janë me origjinë ruse, kujton qendra e shtypit e qeverisë.