Kryetarët e komunave Velingrad, Sërnica dhe Rakitovo kundërshtuan me forcë synimin e investimit të një kompanie nga Plovdivi për të nxjerrë tungsten në zonën Grënçarica pranë Velingradit. Në një konferencë të përbashkët për shtypin, kryetarët e komunave theksuan se minierat do të rrezikojnë shëndetin e banorëve të disa komunave të rajonit, aq më tepër që zona e Grënçarica është edhe zona ujëmbledhëse që furnizon disa fshatra. Në konferencën për mediat mori pjesë edhe përfaqësuesi i popullit Vasill Todev, i cili theksoi se e ardhmja e Rodopeve Perëndimore nuk është në nxjerrjen e mineraleve, por në turizëm dhe bujqësinë organike.

• Një projekt minierash tungsteni revoltoi banorët e qytetit Velingrad