Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ngjarjet me adresë ballkanike

Kryeministri i Kosovës vizitoi jozyrtarisht disa komuna në Maqedoninë e Veriut


Me ftesë të kryetarëve të komunave Tetovë dhe Çair - një nga dhjetë komunat e Shkupit, kryeministri i Kosovës Albin Kurti bëri një vizitë jozyrtare në Maqedoninë e Veriut. U diskutuan projektet infrastrukturore që do të lidhin Tetovën me Prizrenin. Lidhur me këtë Kurti bëri thirrje që puna të përshpejtohet. Në kuadrin e vizitës Kurti mori pjesë edhe në përurimin e rrugës, e cila lidh fshatërat Selcë dhe Vicë në komunën e Tetovës. Para të pranishmëve Kurti rekomandoi që Maqedonia e Veriut të qëndrojë “sa më afër Kosovës, Shqipërisë dhe Bullgarisë dhe sa më larg Serbisë, e cila nuk po distancohet nga Sllobodan Millosheviç”. Sipas Kurtit, në këtë mënyrë Shkupi do të jetë më afër anëtarësimit në BE dhe Ballkani do të bëhet më i sigurt. 

Presidenti maqedonas Stevo Pendarovski dhe kryeministri Dimitër Kovaçevski ishin të indinjuar që në ngjarje kishte flamuj të “Shqipërisë së Madhe”. Pendarovski kërkoi sanksione për organizatorët. Presidenti serb Aleksandër Vuçiç e cilësoi vizitën si një “skandal skandalesh” para televizionit “Pink”.

Antivaksistë sulmuan Ministrinë e Shëndetësisë të Rumanisë


Protestuesit kundër vaksinave, simpatizantë të partisë nacionaliste “Aleanca për Unitetin e Rumunëve”, sulmuan Ministrinë e Shëndetësisë në Bukuresht, njoftoi televizioni DiGi24. Ekstremistët u përpoqën të arrijnë zyrën e ministrit Aleksandru Rafilla, por u ndaluan nga xhandarmëria. Më parë, Rafilla refuzoi të pranonte një delegacion antivaksistësh që kundërshtojnë vaksinimin e detyrueshëm të gatuar nga autoritetet. Me thirrjet “Vaksinat janë helm”, “Asnjë diktaturë” dhe “Liri”, të mbledhurit kërkuan dorëheqjen e ministrit.

“Ju siguroj që pjesa më e madhe e atyre që janë këtu, të moshuarit, janë vaksinuar si fëmijë, mezi janë helmuar, por mendoj se një parti politike, që sulmon absolutisht në mënyrë të papërgjegjshme themelet e shëndetit publik, është e dehur”, komentor Rafilla.

Autoritetet do të reformojnë shoqatat e tifozëve futbollistikë në Greqi


Kryeministri grek Kiriakos Micotakis njoftoi se shoqatat e tifozëve të futbollit do të mbyllen. Ato do të zëvendësohen nga shoqatat zyrtare në selinë e klubit. Deklarata erdhi pasi kryeministri u takua me presidentin e UEFA-së, Aleksandër Çeferin, ministrat grekë dhe pronarët e skuadrave “Olimpiakos”, AEK, PAOK dhe “Panatinaikos”, njoftoi ert.gr.Policia merr përsipër kontrollin e hyrjes së tifozëve në stadium. Kryeministri paralajmëroi se nëse është e nevojshme, si mjet i fundit, ekipet mund të përjashtohen nga turnetë evropianë. 

Masat u morën pas ndeshjes mes “Dinamo Zagrebit” dhe AEK Athinës më 7 gusht. Atëherë, gjatë një përplasjeje mes tifozëve, u vra një tifoz i AEK-ut. Athina dënoi gjithashtu ashpër kritikat e presidentit kroat Zoran Millanoviç se kroatët e arrestuar pas grindjeve “u mbaheshin robër sikur po bëhej një luftë”.

Televizioni serb përdor inteligjencën artificiale për satirë politike

Dragan Xhilas
Televizioni pro-qeveritar i Serbisë “Pink” transmetoi video të krijuara nga inteligjenca artificiale. Si një seri satirike shfaqen deklarata të rreme të politikanëve të opozitës, në të cilat ata shajnë kolegët e tyre me fjalë të krijuara artificialisht.I prekuri Dragan Xhilas tha për gazetën “Danas” se “kjo nuk është satirë, por mashtrim klasik i qytetarëve”. Ai do të padisë mediat për të ndaluar transmetimin e montazheve, “sepse nesër mund të transmetojnë dikë nga opozita duke thënë se do të vrasë presidentin, gjë që do t’u duket e besueshme njerëzve”, shtoi Xhilas. 

Inteligjenca artificiale dhe përdorimi i saj në media nuk është i rregulluar në Serbi. Pronari i “Pink” Zellko Mitrovic njoftoi në Twitter se është duke përgatitur një stacion të ri televiziv të quajtur “Glavna TV”. Do të jetë inteligjencë pa pilot, tërësisht artificiale.

Përpilues: Ivo Ivanov

Përgatiti në shqip: Svetllana Dimitrova

Foto: kryeministri.rks-gov.net, digi24.ro, EPA/BGNES

Më shumë nga rubrika

Presidenti Rumen Radev

Bullgaria nuk do të bëjë lëshime ndaj Maqedonisë së Veriut për anëtarësimin e saj në BE

Bullgaria nuk do të bëjë lëshime ndaj Republikës së Maqedonisë së Veriut me qëllim që të fillojë negociatat për anëtarësimin e vendit në Bashkimin Evropian. Kjo u theksua përsëri nga Presidenti Rumen Radev në Varshavë, ku ai mori pjesë në..

botuar më 25-04-29 4.11.MD

Rusia dhe Ballkani i paqëndrueshëm janë një kërcënim për sigurinë kombëtare

Kërcënimet kryesore për sigurinë kombëtare të Bullgarisë janë Rusia dhe paqëndrueshmëria në Ballkanin Perëndimor, sipas raportit vjetor të Agjencisë Shtetërore për Sigurinë Kombëtare për vitin 2024. Në Bullgari, në vitin 2024, dy agjentë të..

botuar më 25-04-28 10.03.PD

Ngjarjet me adresë ballkanike

Studentët bllokuan hyrjet e Radio Televizionit të Serbisë Studentët dhe qytetarët kanë bllokuar hyrjet e Radio Televizionit Kombëtar të Serbisë (RTS) tashmë 12 ditë në shenjë proteste kundër mënyrës se si media kombëtare po prezanton..

botuar më 25-04-26 7.00.PD