Sulmi ndaj biznesit turistik të Bullgarisë këtë vit ishte shumë i fortë, tha për BNT Ministrja e Turizmit Zarica Dinkova. Situata ndërkombëtare është shumë e ndërlikuar dhe Bullgaria është pjesë e saj, shtoi ajo. Shpërthimi i digës Nova Kahovka ishte një fatkeqësi dhe ne duhej t'i përgjigjeshim asaj menjëherë. Tashmë kemi 22 plazhe me flamur blu, por pavarësisht këtij informacioni u imponua se deti ynë është jashtëzakonisht i ndotur. Ujërat përgjatë bregut bullgar të Detit të Zi këtë verë ishin më të pastra se vite më parë, theksoi ministrja. Megjithë luftën informative dhe sulmet ndaj turizmit bullgar, sipas të dhënave të statistikave kombëtare, sektori ka një rritje prej 4% në krahasim me vitin 2019, kur pati një pandemi të Covid-it, përmblodhi Dinkova dhe tha se përgatitja e infrastrukturës për sezonin e ri të verës në 2024 po fillon tani.