Pasi në fillim të vitit DIA prezantoi këngën e saj “Më djeg”, tashmë ajo është gati me veprën e saj më të re “Zana”. DIA është pseudonimi krijues i interpretueses së re Dimana Mirçeva, e cila që kur ishte studente në Shkollën Kombëtare të Muzikës në Sofje formoi stilin e saj karakteristik si një autor dhe interpretues i vetë-prodhuar - një kombinim i muzikës origjinale të bazuar në folklorin me një tingëllim modern.
Këngën “Zana” ajo përsëri e krijoi në bashkëpunim me Denis Popstoev, i cili e bëri aranzhimin, ndërsa tekstin e krijoi vet DIA. Titulli interesant i këngës së re çon në legjenda përrallore dhe natyrisht shtron pikëpyetje. Lidhur me këtë këngëtarja e re tregon:
“Shumë njerëz më pyetën se çfarë do të thotë një zanë. Është njësoj si shtojzovallja, vetëm në rajone të ndryshme të Bullgarisë quhet ndryshe. Zanat dhe shtojzovallet janë këto krijesa eterike dhe të buta që jetojnë lart në pyjet e maleve, këndojnë vetëm këngë shumë të bukura dhe zërat e tyre dëgjohen kudo. Ata i magjepsin njerëzit me muzikën e tyre, sigurisht që i tërheqin ata. Këto krijesa dinë t’i tërheqin njerëzit drejt tyre, dinë t'i magjepsin me këngët e tyre dhe pikërisht një histori e tillë rikrijohet në këngën “Zana”.”
Videoja e këngës “Zana” u xhiruar gjatë Festivalit të XV Ndërkombëtar të Kostumeve Popullore “Zheravna 2023”, ku DIA ishte e ftuara speciale në finale. Për herë të parë, organizatorët lejuan që një video të xhirohej në këtë mënyrë, duke vulosur prezantimin ekskluziv të këngës para publikut. Për emocionin e fortë gjatë performancës dhe xhirimeve, DIA ndan:
“Ishte një ëndërr për mua të xhiroja një nga këngët e mia në Festivalin e Kostumeve Popullore në Zheravna. Gjithmonë kam menduar se ky është vendi më i përshtatshëm për muzikën time. Dhe pikërisht për këtë më ra në mendjen të xhirojmë videon e këngës “Zana” në këtë vend magjik, në Zheravna, mes gjithë njerëzve të veshur me kostume popullore, edhe unë me veshje të tilla, dhe operatorët gjithashtu me këmisha të qëndisura. Në mesë natë ndodhi gjithë magjia - atëherë mbeten njerëzit më besnikë i folklorit dhe traditës bullgare. Dhe kur dëgjuan për herë të parë “Zana”, sepse nuk e kisha interpretuar kurrë më parë, të gjithë filluan të vallëzojnë me ritmin e vet.”
Përgatiti në shqip: Svetllana Dimitrova
Orkestra “Aramis” pranë Qendrës Ndërkombëtare Kulturore Manheim në Gjermani dha një koncert në majën Todorka të malit Pirin. Një skenë e hapur bore u ndërtua posaçërisht për koncertin jo standard në një lartësi prej 2550 m, duke përfshirë një piano të..
Muzika e lindur mes akullit – ja çfarë prezantojnë me fyell dhe kitarë Teodosij Spasov dhe Hristian Cvjatkov në albumin e tyre “Përralla Antarktike”, i cili ka premierën më 5 mars, me një spektakël muzikor dhe poetik me regjisore Bojka Vellkova...
Këngëtari i ri ROSS prezanton këngën e tij të parë solo - "I panjohuri". Edhe pse me një këngë debutuese, vetë ROSS nuk është i panjohur - Rosen Petrov u diplomua në shkollën vokale në vendlindjen e tij – qytetin Dobriç, dhe tashmë ka një sërë..
Violinisti Svetlin Rusev – një nga instrumentistët më të shquar për momentin në mbarë botën, një artist karizmatik me një inteligjencë për t’u admiruar,..
DEEP ZONE Project prezanton versionin e tyre të këngës së njohur të Milena Sllavova “E vërteta”, e cila shënoi muzikën bullgare në pragun e mijëvjeçarit..
Angell Djullgerov është kitarist, violinist, kompozitor, aranzhues dhe lider muzikor, i cili vitet e fundit ka punuar me yjet më të mëdhenj të muzikës..
Vranësira të dendura me shi
Vranësira