Në Rezidencën “Bojana” ministrja e jashtme Maria Gabriel u takua me ambasadorët e vendeve të BE-së të akredituar në Bullgari. Ajo shprehu shpresë që këto takime të bëhen vend për dialog dhe bashkëpunim të rregullt. Ministri informoi ambasadorët se prioritet kryesor për Bullgarinë mbetet hyrja në zonën Shengen deri në fund të vitit 2023, miratimi i monedhës së përbashkët evropiane para 1 janarit 2025 dhe anëtarësimi në Organizatën për Bashkëpunim dhe Zhvillim Ekonomik.

Gabriel theksoi anëtarësimin aktiv në BE dhe NATO dhe pjesëmarrjen në nismat “Korridori №8” dhe “Tri detet” si synime të rëndësishme të diplomacisë bullgare. Ministri i informoi diplomatët për takimin e ardhshëm të qeverive të Bullgarisë, Rumanisë dhe Greqisë në fillim të javës së ardhshme, në të cilin u ftua për të marrë pjesë edhe Moldavia.