Në Plovdiv u zbulua një grup i organizuar kriminal, i cili merrej me eksportin e mallrave me përdorim të dyfishtë në Rusi. U arrestuan 12 persona - tre shtetas rusë, shtatë bullgarë dhe një shtetas i Shqipërisë dhe i Bjellorusisë. Pesë prej tyre u akuzuan si të pandehur.

Grupi vepronte që nga fillimi i vitit 2021 e deri më tani. U realizuan blerjet për mbi 4 milionë leva (mbi 2 milionë euro). Produktet bliheshin jashtë vendit, ripaketoheshin në Plovdiv, më pas dërgoheshin në Sofje, prej nga dërgoheshin në Rusi. Produktet e dërguara u përdorën në luftën kundër Ukrainës. “Ato nuk ishin të destinuara për ushtrinë e rregullt ruse, por për forcat speciale që luftonin në Ukrainë”, shpjegoi drejtori i Agjencisë Shtetërore të Sigurisë Kombëtare Pllamen Tonçev.