Për maqedonasit, Bullgaria është një kërcënim dhe Serbia është një mik

48% e qytetarëve të Maqedonisë së Veriut besojnë se ekziston një kërcënim për vendin. 46% janë përgjigjur “jo”. 79 për qind e atyre që perceptojnë një kërcënim janë të mendimit se ai vjen nga Bullgaria, e ndjekur nga Rusia me 6.3%, Shqipëria me 2.7% dhe Serbia me 2.4%. Në pyetjen “Cili vend apo organizatë ndërkombëtare është miku më i madh”, 39,6% janë përgjigjur - Serbia, e ndjekur nga SHBA me 13,7%, Turqia me 10% dhe BE me 8,4%. Qëndrimi i BE-së ndaj Shkupit është i padrejtë, arrogant dhe shantazhues, thonë 55,8% e të anketuarve. 27.5% e të anketuarve thonë se marrëdhëniet me BE-në janë të ndershme, miqësore dhe korrekte. Për 60.8 për qind, BE-ja është alternativa më e mirë për vendin. 56% besojnë se në vend nuk ka demokraci dhe 62% se ai po shkon në drejtimin e gabuar. Anketa përfaqësuese e EUROMETAR 2023 është nga Eurotink - Qendra për Strategjitë Evropiane, raporton BGNES.

Rumania do të ndalojë mishin artificial të sintetizuar nga qelizat e kafshëve

Senati rumun - dhoma e lartë e parlamentit - miratoi një ligj që ndalon shitjen e mishit sintetik në vend. “Propozimi i deputetëve socialdemokrat synon krijimin e një kuadri ligjor për emërtimin e produkteve të mishit, prezantimin, etiketimin dhe tregtimin e produkteve të mishit, monitorimin e shëndetit të popullatës dhe informimin e saktë për konsumatorët”, thekson komisioni i specializuar parlamentar. Ndalohet shitja në tregun e brendshëm të mishit sintetik të përftuar në laborator nga qelizat shtazore. Dispozitat zbatohen edhe për produktet e kuzhinës për furnizim publik. Tregtimi i mishit sintetik do të gjobitet nga 40 000 deri në 60 000 euro. Ligji duhet të votohet edhe në Dhomën e Deputetëve – Dhoma e Ulët, raporton AGERPRES.

Turqia heq veton ndaj anëtarësimit të Suedisë në NATO

Presidenti turk Rexhep Erdogan dorëzoi në parlament protokollin për anëtarësimin e Suedisë në NATO. Sipas procedurës, vendimi fillimisht do të shqyrtohet në Komisionin e Punëve të Jashtme. Nëse miratohet, do të hidhet për votim në Parlament. Komisioni i Punëve të Jashtme ende nuk ka caktuar mbledhje për këtë rast, por pritet që procedura të përshpejtohet. Suedia iu bashkua NATO-s së bashku me Finlandën pasi Rusia pushtoi Ukrainën në vitin 2022. Në samitin e NATO-s në Vilnius në korrik, Turqia ra dakord të heqë veton e saj për pranimin e Suedisë në NATO. Stokholmi premtoi të mos mbështesë organizatat që Ankaraja i konsideron terroriste dhe të punojë për integrimin evropian të Turqisë. Në të njëjtën kohë, SHBA do të heqë veton për dërgimin e avionëve F-16 në Turqi, raporton BTA.

Serbia rrit dhe ngrin deri në pranverë çmimin e karburantit blu për konsumatorët

Çmimi i gazit për konsumatorët në Serbi do të ngrihet deri në maj të vitit 2024 në nivelin e 1 nëntorit 2023, raporton “Danas”. Në rast ndryshimesh të papritura në treg, qeveria do të mbulojë diferencën për prodhuesit dhe importuesit nga buxheti kombëtar. Kjo parashikohet në Urdhëresën për masën e përkohshme për kufizimin e çmimit të gazit dhe kompensimin e diferencës në çmimin e gazit natyror të importuar ose prodhuar në Serbi, në rast të ndryshimeve të papritura në tregun e gazit natyror. Beogradi ra dakord me Fondin Monetar Ndërkombëtar për huadhënie. Në këmbim të parave nga fondi, autoritetet u angazhuan për të rritur çmimet e gazit me pakicë në faza deri në vitin 2025. Nga 1 nëntori rritja do të jetë 10% dhe çmimi do të arrijë në 4.18 euro për një kilovat orë.

Parashikojnë çmime ari për arin e lëngshëm të ullirit

Rendimentet e ulëta në vendet kryesore prodhuese të ullirit dhe vajit të ullirit për sezonin 2022-2023 dhe kushtet e këqija atmosferike rritën kërkesën. Kjo rriti çmimet deri në 30%. Pritshmëritë për të korrat e reja botërore janë edhe më të këqija. Në Greqi, rënia e vajit të ullirit të rafinuar për vitin 2023 është nga 350 000 në 160 000 tonë. Në Greqi dhe Turqi, eksportuesit kryesorë në Ballkan dhe furnizuesit kryesorë globalë, thatësira e pafavorshme e dimrit, e verës dhe e zjarreve rrisin ndjeshëm koston e prodhimit. Prodhuesit paralajmërojnë se vaji i ullirit, i quajtur "ari i lëngshëm", mund të dalë në të vërtetë "i artë" për konsumatorët. Vaji bruto i ullirit po ndjek çmimet prej 9.25 euro për litër në Greqi, shkruan moneyreview.gr. Në Turqi, vaji i ullirit në dyqane është tashmë 12-15 euro për litër. Për të kontrolluar çmimet, Ankaraja futi kufizime në eksportin e vajit të ullirit dhe ullinjve.

Përpiloi: Ivo Ivanov

Përgatiti në shqip: Vesella Mançeva