Një nga festat më të rëndësishme të palëvizshme të krishtera të vjeshtës është Dita e Kryeengjëllit, kushtuar Shën Kryeengjëllit Mihal dhe Kryeengjëjve Gabriel, Rafael, Uriel, Salatiel, Jehudiel dhe Varahiel.

Në traditën ortodokse, ne e kremtojmë ditën e tyre më 8 nëntor, si festën e Shën Kryeengjëllit Mihail, prijësit të ushtrisë qiellore dhe hierarkive engjëllore pa trup, që mposhtën forcat e errësirës.

• Të krishterët ortodoks respektojnë Shën Kryeengjëllin Mihaill si “mbrojtës i shpirtrave dhe luftëtar kundër së keqes”

Sipas Kishës, engjëjt janë lajmëtarët e Zotit dhe zbatuesit e vullnetit të Tij. Në ikonografinë ortodokse, ato përshkruhen me rroba të bardha borë dhe me krahë - një simbol i shpejtësisë me të cilën ata përmbushin urdhrat e Zotit dhe marrin pjesë aktive në shpëtimin e shpirtrave njerëzorë. Në pagëzim, çdo i krishterë merr një engjëll mbrojtës që e udhëheq dhe e mbron nga e keqja.

• Ditën e Kryeengjëllit Mihaill ftojmë engjëjt në trapezë

Në tempuj, imazhi i Shën Kryeengjëllit Mihail, me një shtizë në dorë, duke shkelur djallin me këmbë, zë një vend qendror, së bashku me ikonat e Jezu Krishtit, Nënës së Zotit dhe Gjon Pagëzorit.Për shkak të vendit kyç që ai zë në Hierarkinë Qiellore, ai konsiderohet mbrojtësi i atyre që luftojnë për një kauzë të drejtë dhe mbrojtësi i të gjithë të krishterëve nga forcat e errëta.

• Legjenda për Kryeengjëjt Mihail e Garvriil dhe fuqitë e patrup

Në afërsi të Sofjes dhe zonave përreth, ka gati një duzinë manastire kushtuar Shën Kryeengjëllit Mihail. Midis tyre është Manastiri Çekotinski, i cili ndodhet rreth 15 kilometra nga qyteti Pravec, mbi lumin Mallëk Iskër. Ai u themelua në fund të shekullit të XII-të dhe lidhet me historinë e kalasë Bozhenishki Urviç, e cila ndodhet nja 4 km larg tij. Gjatë viteve  ai u shkatërrua dhe u rindërtua disa herë, dhe sot është një manastir veprues dhe tërheq vizitorët me arkitekturën e tij të bukur dhe muralet e jashtëzakonshme.

Mësojmë më shumë detaje interesante për manastirin nga At Mihail në një intervistë bërë nga  Svetllana Dimitrova, përfshirë në botimin tonë “Manastiri Çekotinski – një pasuri e patundshme kulturore”.

Lexoni më shumë:

• Manastiri “Shën Kryeengjëlli Mihaill”
• Manastiri “Shën Kryeengjëlli Mihaill” rreth Ivanovos – vatër e hezikastisë

Përpiluese: Darina Grigorova

Përgatiti në shqip dhe publikoi: Svetllana Dimitrova

Foto: BGNES, arkiv