Nëndëspresidentja Ilijana Jotova e cilësoi mbledhjen e fundit të Këshillit të Sigurimit pranë Këshillit të Ministrave si një “precedent serioz”. “Kjo do të thotë se dyshimi dhe mosbesimi ekziston në një organ që është i thirrur të kujdeset për sigurinë e të gjithë qytetarëve bullgarë. Kjo do të thotë një humnerë shumë e thellë mes pushtetarëve. Nëse Bullgaria dyshohet se ka anashkaluar sanksionet si politikë shtetërore, ky do të jetë një argument tjetër në duart e partnerëve tanë evropianë, veçanërisht për ata që nuk janë dakord që ne të jemi pjesë e Shengenit”, komentoi nëndëspresidentja. Jotova tha gjithashtu se nuk ka dëgjuar argumente mjaft bindëse as nga kundërshtarët, as nga avokatët e vazhdimit të përdorimit të naftës ruse deri më 15 mars.