933 leva (477,04 euro) është paga minimale e përcaktuar në projektbuxhetin nga 1 janari dhe kjo do të bëhet fakt nëse deputetët e mbështesin atë, tha Asen Vasilev në mbledhjen e Këshillit Kombëtar për Bashkëpunim Trepalësh.Sipas tij, Bullgaria është në vend të fundit në Ballkan për sa u përket pagave minimale, njoftoi Televizioni Kombëtar Bullgar /BNT/.

“Ne jemi të detyruar të parandalojmë formimin e getove me paga të ulëta, punë jo cilësore dhe rajone të braktisura, sepse kjo ndodh edhe në vendet e zhvilluara, nëse hapet hendeku i të ardhurave”, tha ministri.

Ai raportoi se në buxhet ka rritje të përhershme të pensioneve dhe nuk ka ndryshim në normat tatimore.Deficiti i parashikuar është 3% sipas kritereve të Mastrihtit për hyrjen në Eurozonë.10 miliardë leva (mbi 5 miliardë euro) janë investimet, që është një rritje prej 25%, buxheti është nën 36% të PBB-së.Gjatë diskutimeve, partnerët trepalësh nuk arritën një marrëveshje për buxhetet e Arkës Kombëtare të Sigurimeve Shëndetësore dhe të Sigurimeve Shoqërore Shtetërore, raportoi gazetarja e BNR, Marta Mlladenova.Nuk u arrit unanimitet edhe për buxhetin e shtetit për vitin 2024. Ministri i financave Asen Vasilev tregoi se qëllimi është që buxheti të miratohet përfundimisht deri më 22 dhjetor, transmetoi BNT.

•  Ekspertët raportojnë një mospërputhje alarmante në rritjen e çmimeve dhe rritjen e pagave në Bullgari
  

• Paradoksi: Pagat bullgare – hem me rritje më të lartë, hem më të ulëtat në BE