Më 4 dhjetor, policia serbe e ndaloi L. G. nga Bosilegradi për 30 ditëme dyshimin për zbulimin e sekreteve ushtarake të shtetit serb në dobi të Bullgarisë. Sipas një komunikate për media nga Prokuroria Supreme në Vranjë, i arrestuari dyshohet për spiunazh, transmeton BTA. 61-vjeçari Luben Grigorov është arrestuar në shtëpinë e tij pas një ndjekjeje të gjatë nga autoritetet serbe. I është bërë kontrolli dhe i është konfiskuar kompjuteri, raporton BGNES. I arrestuari është një oficer rezervë i ushtrisë jugosllave në pension dhe nuk ka qenë asnjëherë aktiv politikisht. Punoi në Qendrën Kulturore Bashkiake. Ai merrej me tregti dhe kishte një dyqan të vogël. Akuzat janë se Grigorov ka dhënë informacione për ndryshimet e personelit në ushtrinë serbe, për numrat, për armatimin e njësive dhe për gjendjen në Serbinë Lindore.