Instituti për Shkenca Kompjuterike, Inteligjencë Artificiale dhe Teknologji - INSAIT, në Universitetin e Sofjes, është ndër 50 organizatat në botë që kanë marrë ftesë për të marrë pjesë në Aleancën e parë globale historike për krijimin e inteligjencës artificiale. Nisma е IBM dhe "Meta" u njoftua në SHBA dhe synon të bashkojë mendjet më të mëdha në botë nga sektori privat, rrethet akademike dhe institucionet për hir të ndërtimit të inteligjencës artificiale globale të hapur, të sigurt dhe të përgjegjshme, bëri të ditur zyra e shtypit e Ministrisë së Arsimit dhe Shkencës në Bullgari. 

• Çdo i pesti bullgar dëshiron që inteligjenca artificiale të ndalohet

• BE po përgatit ligjin e parë në botë për inteligjencën artificiale

Dy kompanitë thanë se ky është një moment kyç për zhvillimin e inteligjencës artificiale dhe të ardhmen e saj. INSAIT bullgar e ka regjistruar emrin e saj në institucione shkencore kryesore, si NASA, CERN, universitetet - Harvard, Yale, Berkeley, Cyrih e të tjera, si dhe kompani teknologjike, si Sony, Linux, Intel, AMD dhe Dell. INSAIT është përfaqësuesi i vetëm i Evropës Lindore në projekt dhe e ka shkruar emrin e tij ndër themeluesit e nismës, raporton BTA.

• Lamtumirë mësime private! ChatGPT po merr vrull edhe në shkollat bullgare

• Chat GPT dhe fillimi i revolucionit teknologjik - ku jemi ne?