Më 2 janar Kisha Ortodokse nderon Shën Silvestrin. Një papë romak që jetoi në shekujt të III-IV, i cili, sipas legjendës, pagëzoi perandorin Konstandin I të Madh.
Populli ynë e nderon Shën Silvestrin si shenjtori mbrojtës i kafshëve, veçanërisht i bagëtive. E quajnë festën edhe Ditën e Karamanit, Festën e Kaut, Ditën e Rinaços, Sillvestrin, Ditën e Silvestrit. Festa ka karakter pastrues dhe është për nder të bagëtive me brirë - buallicave, qeve, kaut e kështu me radhë. Festa ka të bëjë me pastrimin, heqjen e plehut me lopata nga stallat që nuk janë hedhur që nga Krishtlindjet. Një natë para festës, djemtë që kanë kolendarë, qarkullojnë nëpër shtëpitë ku ka bagëti të mëdha tërheqjeje.
Në Rodopet Perëndimore e quajnë ditën Spolezov dhe si në Ditën e Ignat Hyjmbajtësit më 20 dhjetor, shikojnë se kush do të hyjë i pari në shtëpi. Mysafiri duhet të jetë një njeri i mirë dhe i pasur, që të jetë viti i mirë dhe i begatshëm. Është zakon të mos vendoset mish derri dhe proshutë në tryezë për të mbajtur kafshët të shëndetshme.
Për traditat, besimet dhe këngët lidhur me këtë festë lexoni më shumë në botimin e Radio Bullgarisë "Dita e Silvestrit të Romës – zakonet dhe besimet popullore" nga koleksioni i Radio Bullgarisë.
Gëzuar ditën e emrit të gjithëve që mbajnë emrat Silvestër, Sillvia, Sillvana, Serafim, Goran, Gorica.
Jini të shëndetshëm!
Sot, më 28 gusht, në shumë rajone të vendit tonë, bullgarët kremtojnë Fjetjen e Hyjlindëses sipas stilit të vjetër, së bashku me pothuajse të gjithë botën ortodokse. Festa është shumë e respektuar në vendin tonë, siç e dëshmojnë tubimet e shumta,..
Në këtë ditë, 90 vjet më parë, u bë shenjtërimi i i Monumentit të Lirisë në malin e Shipkës. Ai u ngrit në kujtim të heronjve të vrarë në këtë vend gjatë Betejës së Shipkës, rreth së cilës në verën e vitit 1877 u zhvilluan betejat vendimtare për..
“Ka shumë vende në trojet bullgare që ruajnë kujtimin e luftërave për çlirimin kombëtar, por lavdia e Epopesë së Shipkës mbetet e patejkalueshme. Kështu shkroi presidenti Rumen Radev në faqen e tij në Facebook me rastin e 147-vjetorit të Epopesë së..