Ambasada e Republikës së Bullgarisë në Bukuresht të Rumanisë organizoi një përkujtim solemn me rastin e 176-vjetorit të lindjes së poetit, rilindësit dhe revolucionarit Hristo Botev. Në ngjarje janë të ftuar të gjithë qytetarët dhe mysafirët e Bukureshtit. Shumë bullgarë nga vendi ynë kanë deklaruar pjesëmarrjen e tyre në aktivitet. Ndër ta janë edhe përfaqësuesit e vatrës kulturore "Hristo Botev" në qytetin Ruse. Festimi do të bëhet para bustit-monument të Botevit në parkun “Regele Mihai I” (“Herăstrău”) – mësojmë nga një publikim i përfaqësisë sonë diplomatike në rrjetet sociale.
Bukureshti zë një vend të rëndësishëm në rrugën e jetës së poetit Hristo Botev, i cili u bë hero kombëtar për guximin, me të cilin nxiti shpirtin bullgar dhe ia hapi rrugën idesë së lirisë. Revolucionar, poet, gazetar, botues, gjatë jetës së tij të shkurtër Hristo Botev arriti të krijojë vetëm rreth 20 poezi, të cilat edhe sot e kësaj dite konsiderohen si kulmi i letërsisë bullgare.
Hristo Botev lindi në ditën e Epifanisë, më 6 janar, në vitin 1848 në qytetin Kallofer(Bullgaria Jugore), në familjen e mësuesit Botjo Petkov dhe gruas së tij Ivanka Boteva. Prej këtu, revolucionari u largua nga Atdheu për të luftuar për çlirimin e tij.
Ai emigroi në Vllahi. Ka punuar si punëtor shtypi në gazetën “Dunavska Zora”. Ka udhëtuar në qytete të ndryshme. Në vitin 1872, ai jetoi përkohësisht pranë Bukureshtit së bashku me frymëzuesin tjetër të lirisë, Vasill Levski. Redaktoi dhe botoi organin e ri të lëvizjes nacionalçlirimtare, gazetën “Zname”. Në mbështetje të Kryengritjes së Prillit më 1876, Botevi organizoi një çetë dhe u bë vojvoda e saj. Ai sundoi anijen “Radecki” dhe së bashku me çetnikët zbarkuan në bregun bullgar të Danubit. Vdiq për lirinë e Bullgarisë në majën Okollçica të malit Stara Pllanina më 1 qershor 1876.
Sipas traditës në datën e lindjes së tij – 6 janar, festimet nisin në oborrin e Muzeut Kombëtar “Hristo Botev” në vendlindjen e tij në Kallofer.Festimet mbahen në të gjithë Bullgarinë, si dhe në mesin e bullgarëve jashtë vendit, të cilët nderojnë heroin, duke emëruar shkollat e së dielës me emrin e tij dhe duke ngritur basorelieve me imazhin e tij në mbarë botën.
Lexoni më tepër:
Përpiloi: Elena Karkallanova
Përgatiti në shqip dhe publikoi: Vesella Mançeva
Tarifat në formën e paguar të arsimit në institucionet e arsimit të lartë nuk do të kalojnë 60% të kostos së jetesës së një studenti me financim shtetëror, vendosi Asambleja Kombëtare, njoftoi gazetarja e BNR-së Violeta Ashikova. Sipas..
Bullgaria mban vendin e 13-të në Indeksin e Pasaportave “Henley” , duke u ngjitur me 8 vende në 10 vitet e fundit, sipas faqes së internetit të kompanisë konsulence për shtetësi dhe qëndrim "Henley & Partners" me seli në Londër. Indeksi..
Shoqata e Shkollave Bullgare Jashtë Vendit po mban konferencën e saj të 18-të vjetore në Veliko Tërnovo. Forumi më i madh vjetor i organizatës, i cili zhvillohet me moton "Të mësojmë duke luajtur. Të luajmë duke mësuar!", bashkon anëtarët e saj..
Bullgaria mban vendin e 13-të në Indeksin e Pasaportave “Henley” , duke u ngjitur me 8 vende në 10 vitet e fundit, sipas faqes së internetit të..
Shoqata e Shkollave Bullgare Jashtë Vendit po mban konferencën e saj të 18-të vjetore në Veliko Tërnovo. Forumi më i madh vjetor i organizatës, i..
Tarifat në formën e paguar të arsimit në institucionet e arsimit të lartë nuk do të kalojnë 60% të kostos së jetesës së një studenti me financim..