Qeveria e Bullgarisë po jep më shumë se 1 386 000 euro grante për financimin e projekteve në vendet e Ballkanit Perëndimor, Evropës, Lindjes së Mesme, Afrikës dhe Azisë, njoftoi shërbimi për shtyp i qeverisë. Projektet janë në kuadër të programit afatmesëm për ndihmë zhvillimore dhe ndihmë humanitare nga Bullgaria me prioritet vendet e Ballkanit Perëndimor dhe Partneritetin Lindor.

Në Ballkanin Perëndimor do të financohen 25 projekte me mbi 795 mijë euro.

Në Maqedoninë e Veriut, mbështetja është për mbulimin universal shëndetësor, mbrojtjen e të drejtave të njeriut dhe reformat demokratike.

Në Serbi dhe Shqipëri do të mbështetet zhvillimi socio-ekonomik, arsimi cilësor dhe aksesi në shërbimet shëndetësore.

Në Bosnje dhe Hercegovinë dhe Kosovë do të mbështetet arsimi në kopshte dhe shkolla.

Në Mal të Zi do të mbështetet sektori i shëndetësisë.

Në Moldavi, Armeni dhe Gjeorgji financohen 9 projekte me mbi 283 000 euro. Paratë janë për krijimin e kapaciteteve administrative, dialogun ndërkulturor dhe shëndetësinë.

• Bashkëpunimi për zhvillim – themeli i politikës së jashtme të Bullgarisë