Gjatë natës do të jetë kryesisht kthjelltësi. Në shumicën e zonave do të fryjë erë e lehtë deri mesatare nga jug-jugperëndimi. Në Bullgarinë Juglindore do të jetë pothuajse e qetë. Paradite aty moti do të jetë me mjegull ose vranësira të ulëta. Temperaturat minimale do të jenë ndërmjet 3° dhe 8°, më të ulëta në zonat e larta të Bullgarisë Jugperëndimore, në Sofje rreth 3°.

Ditën e premte më 9 shkurt do të mbajë sërish mot kryesisht me diell dhe ngrohtë. Do të fryjë erë e dobët, mesatare jugperëndimore në Bullgarinë Lindore dhe në veri të maleve. Temperaturat maksimale do të lëvizin ndërmjet 17° dhe 22°, në Sofje rreth 17°.

Do të mbajë mot kryesisht me diell në zonat malore. Do të fryjë erë mesatare deri e fortë nga drejtimi perëndimor-jugperëndimor. Temperatura maksimale në një lartësi prej 1200 metrash do të jetë rreth 17°, në 2000 metra - rreth 4°.

Përgjatë bregdetit të Detit të Zi do të mbajë mot kryesisht me diell. Dukshmëria do të zvogëlohet para mesditës në disa rajone të bregdetit jugor. Do të fryjë erë mesatare jugperëndimore. Temperaturat maksimale do të jenë 19°-22°. Temperatura e ujit të detit është 7°-8°.