Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Ura mes brezave" me hitet e preferuara bullgare në Studion e Parë të BNR

Foto: facebook.com/BIgBandBNR

Big Band-i i Radios Kombëtare Bullgare do të na ofrojë programin “Ura mes brezave” në koncertin me të njëjtin emër më 22 shkurt. Më pas në Studion e Parë të Radios do të interpretohen disa nga hitet e estradës vendase nga këngëtarë të rinj. Mbi 20 tituj të dashur do të prezantohen në aranzhime të veçanta. Dirigjenti i ftuar është Georgi Milltiadov - gjithashtu një muzikant i ri, por tashmë i afirmuar, i cili po punon me Big Band-in BNR për herë të parë.

Georgi Milltiadov

Këngët në programin "Ura mes brezave" janë të kompozitorëve si Josif Cankov, Boris Karadimçev, Stefan Dimitrov, Aleksandër Brëzicov, Vili Kazasjan, Emill Georgiev etj. - emra që kanë lënë një gjurmë në muzikën bullgare dhe shumica prej tyre kanë punuar me ansamblet muzikore të BNR-së. Interpretimet e reja do të prezantohen nga këngëtarë të rinj dhe grupe vokale, laureatë të garave kombëtare dhe ndërkombëtare.

Më e reja nga solistet e "Urës mes brezave" është 12-vjeçarja e talentuar Kristina Ençeva, e cila do të performojë "Gjer kur" - një këngë me muzikë të Aleksandër Brëzicov dhe tekst të Mihaill Bellçev. "Gjer kur" u përfshi në albumin debutues të Neli Rangellovës dhe në fillim të viteve 1980 të shekullit të kaluar i solli këngëtares çmimin “Lira e Argjendtë” për një performancë të huaj në Festivalin “Lira e Bratislavës” në Çekosllovaki dhe çmimin e dytë në edicionin e 21-të të Festivalit Ndërkombëtar të Këngës në Sopot (Poloni).

Foto: facebook.com/BIgBandBNR, arkiv personal

Përpiloi: Diljana Traçeva

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

"Fajtori"

Grupi “Ostava” e hap vitin me një këngë të re dhe një turne mini klub. “Fajtori” – siç titullohet kënga e re, hap rrugën drejt një albumi të ri. Albumi pritet të jetë gati në fund të pranverës. Si gjithmonë, muzikantët nga “Ostava” nuk mund të jenë..

botuar më 25-02-17 6.45.PD
Stefan Diomov

Kompozitori i dashur Stefan Diomov feston jubileun e tij të 80-të

Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të këngëtarëve dhe grupeve tona më të njohura, por kompozitori krijon edhe muzikë për dokumentarë, shfaqje..

botuar më 25-02-16 6.05.PD

"Dashuria dhe vera"

Kënga "Dashuria dhe vera" u interpretua nga ylli i muzikës pop bullgare Jordanka Hristova në vitin 2023, disa ditë para 14 shkurtit. Si data, ashtu edhe kënga bashkojnë dy festa - të verës dhe të dashurisë: “ Çfarë është vera pa dashuri? Çfarë është..

botuar më 25-02-14 6.00.PD