Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Dashuria ime e vështirë" - debutimi solo i Janica Kënevës

Foto: YouTube / Yanitsa Kaneva

Janica Kënevën e njohim nga pjesëmarrja e saj e suksesshme në spektaklin “Zëri i Bullgarisë” në vitin 2023, ku arriti deri në gjysmëfinale. Ajo ka lindur në vitin 1990 në një familje muzikantësh, të cilët e futën atë në botën e muzikës që në moshë të vogël. Ajo u diplomua në Shkollën Kombëtare të Arteve "Dobri Hristov" në Varna për piano, pastaj në Universitetin e Plovdivit "Paisij Hilendarski" në degën e Arteve Performuese Pop dhe Jazz. Janica është fituese e një sërë çmimesh nga konkurset kombëtare për pianistë dhe këngëtarë. Ajo ka një eksperiencë shumëvjeçare në interpretimin në skenë para publikut vendas dhe të huaj, krijon muzikë origjinale në stile të ndryshme, drejton projekte muzikore dhe aranzhon me sukses muzikë për formacione dhe orkestra të ndryshme.


Një prioritet absolut për Janicën është interpretimi i këngëve të krijuara enkas për të. Prej kohësh Janica ëndërron dhe pret këngën e saj debutuese – “Dashuria ime e vështirë”, me të cilën pas kaq vitesh do të deklarohet si solo artiste. Për realizimin e saj, këngëtarja i beson një ekipi profesionistësh të dëshmuar - Krasimir Gjullmezov krijoi muzikën dhe Marieta Angellova shkroi tekstin. Ata janë ndër autorët e saj të dashur që kanë krijuar disa nga këngët e saj të preferuara. Janica është jashtëzakonisht e lumtur për punën e tyre të përbashkët, e cila çoi në një këngë të bukur dhe emocionuese - për dashurinë e vështirë.

Pyetjes nëse dashuria është e lehtë, Janica Këneva iu përgjigj:

"Unë besoj se ka dashuri të lehtë. Dhe besoj se dashuria e lehtë është dashuria e realizuar, e vërtetë. Por të gjithë duhet të përjetojnë edhe atë të vështirë."

Foto: YouTube / Yanitsa Kaneva, Facebook / Yanitsa Kaneva
Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

"Magjia"pranverore e Irina Fllorin

Irina Fllorin është ndër këngëtaret bullgare me një ndjenje të theksuar moderniteti në të gjitha dimensionet e tij. Tendencat më aktuale përshkojnë muzikën e saj, me të cilën ajo vazhdon të jetë e pranishme prej vitesh në skenën bullgare...

botuar më 25-03-13 8.15.PD

Muzika e Milen Kirov - një përzierje emocionuese e muzikës klasike me xhaz dhe folklor

"Ku është "shtëpia" ime?" është një pyetje, përgjigjja e së cilës duket logjike: “Aty ku kam lindur”. Por jeta e çdo një prej nesh mund të na bëjë të ndihemi njëlloj si në shtëpinë tonë në pjesë të ndryshme të botës. E tillë është rruga e pianistit..

botuar më 25-03-13 7.05.PD

Interpretues virtuozë në edicionin përvjetor të "Festivalit të Muzikës Evropiane" në Sofje

Tre grupe të njohura evropiane do të jenë të ftuar specialë në Festivalin e 25-të të Muzikës Evropiane në Sofje. Festimet fillojnë më 12 mars dhe përfshijnë gjithsej 19 evente, të cilat do të mbahen në pranverë dhe vjeshtë. Programi i..

botuar më 25-03-12 8.23.PD