Dhe këtë vit kremtimi i festës sonë kombëtare, 3 Marsit, do të shoqërohet me rrugëtimin tradicional me kompozim festiv në trenin për teren malor të Rodopeve. Për këtë qëllim Hekurudhat Shtetërore Bullgare (BDZ) dhe Shoqata Qytetare “Për linjën e trasesë së ngushtë” po përgatisin një program argëtues. Treni do të niset nga stacioni Septemvri në orën 09:30 dhe do të mbërrijë në Jakoruda në orën 13:10.
Ndalesa e parë do të jetë në Stacionin e Cepinës, ku udhëtarët do të mund të shikojnë ekspozitën që gjurmon historinë e linjës në Shtëpinë-Muze. Në stacionin e Velingradit i pret një surprizë, të cilën organizatorët e mbajnë të fshehtë. Përpara se të mbërrijë në Jakoruda, treni do të ketë një ndalesë edhe në stacionin Avramovo - stacioni më i lartë në Gadishullin Ballkanik. Pasagjerët do të mund të ecin atje dhe të bëjnë foto në sfondin e peizazheve të bukura të Rodopeve. Pas mbërritjes në qytetin piktoresk të Jakoruda, do të ketë një paradë festive drejt qendrës së qytetit dhe një program të organizuar në shesh dhe në qendrën e Bibliotekësvendase.
Nisja për në stacionin Septemvri është planifikuar për në 16:30 nga Jakoruda. Përbërja e kompozimit festiv do të përfshijë edhe një vagon-bufe me ushqime për një udhëtim edhe më të këndshëm përgjatë rrugës piktoreske, duke kaluar malet Rilla, Pirin dhe Rodope, transmeton BDZ.
Foto: BGNES
Përpiloi: Veneta NikollovaPërgatiti në shqip dhe publikoi: Kostandina Bello
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von..
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të..