Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rosen Zheljazkov e quajti Shqipërinë kampione të Ballkanit në drejtim të integrimit evropian

Presidenti shqiptar Bajram Begaj: Të drejtat e minoritetit bullgar në Shqipëri janë të garantuara

| rinovuar më 24-02-27 6.49.MD
Rosen Zheljazkov
Foto: BGNES

Bullgaria dhe Shqipëria kanë një fat të ngjashëm historik në dekadat e fundit. Ne simpatizojmë politikanët dhe popullin shqiptar për përpjekjet e tyre në rrugën e integrimit evropian, tha kryetari i Kuvendit Popullor Rosen Zheljazkov

Në një pritje organizuar nga Ambasada Bullgare në Tiranë me rastin e Festës Kombëtare të 3 Marsit, ai tha: “Bullgaria dhe Shqipëria janë shembull i tolerancës etnike dhe fetare dhe kjo është një garanci e prosperitetit të tyre si kombe dhe shtete. Sot pamë një Shqipëri moderne, në zhvillim, të orientuar drejt së ardhmes dhe rendit juridik evropian." Vendi tregon vullnet politik, energji sociale dhe aspiratë për të arritur parimet që bashkojnë popujt evropianë. "Për ne gjëja më e rëndësishme është respektimi i të drejtave të minoritetit bullgar, njohja e të cilit në vitin 2017 dhe puna e vazhdueshme për krijimin e mundësive të barabarta janë garanci dhe shembull për t'u ndjekur”, shtoi kryetari i Kuvendit Popullor. “Ne besojmë se Shqipëria do të bëhet shumë shpejt një anëtare e plotë e BE-së, sepse meritat dhe rezultatet e arritura janë mbresëlënëse. Shqipëria është kampione e Ballkanit në integrimin evropian dhe meriton të shpërblehet për të gjitha përpjekjet që ka bërë sa më shpejt", shtoi Zheljazkov cituar nga BGNES.

Vizita zyrtare në Tiranë e delegacionit parlamentar bullgar, të kryesuar nga kryetari i Kuvendit, ishte me ftesë të kryetares së Kuvendit të Shqipërisë, Lindita Nikolla.

Vendet tona i konsiderojnë pakicat kombëtare si urë për miqësinë e gjatë dhe të qëndrueshme, si dhe një aset për vlerat dhe shoqëritë tona”, theksoi zonja Nikolla në bisedime.

Si një investim strategjik në sigurinë e rajonit, ajo përcaktoi rolin e Bullgarisë në mbështetjen e integrimit të vendeve të Ballkanit Perëndimor në Bashkimin Europian, raporton botimi shqiptar argumentum.al

Kryetari i Kuvendit Popullor të Bullgarisë dhe delegacioni që e shoqëronte u prit edhe nga Presidenti i vendit, Bajram Begaj, i cili shprehu gjithashtu mirënjohjen për mbështetjen e Bullgarisë për integrimin e Shqipërisë në BE, për nismat e përbashkëta shumëpalëshe, për kontributin e njësive ushtarake në KFOR.

Fokusi u vendos në mundësitë e zhvillimit të infrastrukturës tokësore dhe ajrore. Sipas fjalëve të presidentit shqiptar, përshpejtimi i ndërtimit të korridorit nr.8, si dhe nisja e fluturimeve në fund të këtij viti në linjën direkte ajrore Tiranë-Sofje, padyshim do të rrisë shkëmbimin tregtar dhe turizmin në të dyja vendet.

Presidenti Begaj ka theksuar se situata aktuale në rajon kërkon mirëkuptim, bashkëpunim dhe përballim të politikave të kaluara mes vendeve të Ballkanit Perëndimor për integrimin e tij të plotë euroatlantik. Për sa i përket respektimit të të drejtave të minoriteteve përkatëse në vendin e tij, kreu i shtetit shqiptar ka siguruar se të drejtat e pakicës bullgare në Shqipëri janë të garantuara dhe se vullneti i lirë për t'u vetëdeklaruar janë siguruar në regjistrimin e zhvilluar të popullsisë së vendit, i cili ka qenë një proces transparent, raporton edicioni shqiptar argumentum.al.

Lexoni më tepër:



Последвайте ни и в Google News Showcase, за да научите най-важното от деня!

Më shumë nga rubrika

Foto: Qendra e Shtypit e Presidencës

Presidenti ka nxjerrë një dekret për emërimin e një kabineti të ri

Në zbatim të Kushtetutës, presidenti Rumen Radev nënshkroi një dekret për emërimin e qeverisë së propozuar nga i nominuari për kryeministër të përkohshëm, Dimitër Gllavçev . Kabineti i ri pritet të betohet menjëherë para Asamblesë Kombëtare. Në..

botuar më 24-08-27 9.07.PD

Refuzimi i presidentit për të nënshkruar një dekret për emërimin e një qeverie të përkohshme është në përputhje me të drejtat e tij

Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..

botuar më 24-08-21 7.40.PD

Zgjedhjet shtyhen, presidenti nuk e pranoi projekt kabinetin “Kozhareva”

Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..

rinovuar më 24-08-19 6.22.MD