Sot i urojmë ditëlindjen fyelltarit virtuoz Teodosij Spasov. I lindur më 4 mars 1961 në qytetin Isperih, ai filloi t’i binte fyellit kur ishte vetëm 9 vjeç. Pasi mbaroi Shkollën e Mesme të Muzikës "Filip Kutev" në Kotell, e vazhdoi arsimin në Akademinë e Artit Muzikor dhe Vallëzimit në Plovdiv, ku pati mundësinë të luante muzikë me kolegë të zhanreve të ndryshme. Kjo përcaktoi zhvillimin e tij si instrumentist me kërkime në drejtime të shumta. Kështu ai formoi një stil karakteristik unik. Teodosij Spasov është i pari që ekzekutoi xhazin në kavall. Përzierja e muzikës popullore me elemente të xhazit dhe të muzikës klasike përbën bazën e shumicës së veprave të tij prej autori.

Në mesin e tyre është suita me tre pjesë "Vajza e rërës", e përfshirë në albumin me të njëjtin emër nga viti 1989. Në regjistrim mori pjesë Filarmonia e Plovdivit me dirigjent Kirill Grozdanov.

Lexoni më shumë:

• Teodosij Spasov - për ndryshimet në të menduarit, për kufijtë dhe masën artistike

• Teodosij Spasov prezanton albumet e reja me muzikë prej autori në stil folklorik

• Teodosij Spasov për muzikën në Antarktidë

• Projektet ndërkombëtare të fyelltarit Teodosij Spasov

Përgatiti në shqip dhe publikoi: Svetllana Dimitrova