"Nga këtu deri në përjetësi" me Mirosllava Kacarova dhe Mirosllav Turijski

botuar më 24-03-21 6.15.PD

Mirosllava Kacarova dhe Mirosllav Turijski

Foto: BNR

“Nga këtu deri në përjetësi” do të na çojnë këngëtarja Mirosllava Kacarova dhe Mirosllav Turijski – pianist, kompozitor dhe aranzhues. Kjo do të ndodhë me ndihmën e Big Band-it të BNR-së me dirigjent Antoni Donçev në një koncert më 21 mars, në orën 19:00 në Studion e Parë të Radios. Programi i larmishëm përfshin pjesë origjinale që janë krijuar për Mirosllava Kacarova gjatë viteve, kryesisht nga Mirosllav Turijski. Shumica prej tyre janë bazuar në tekste të saj në bullgarisht. Të gjitha aranzhimet janë të Mirosllav Turisjskit.

Mirosllava dhe Mirosllav janë muzikantë të njohur të skenës së xhazit jo vetëm në vendlindjen e tyre në Plovdiv, por edhe në shkallë kombëtare, kanë krijuar muzikë së bashku për më shumë se dhjetë vjet.

Me koncertin "Nga këtu deri në përjetësi", dy muzikantët po zgjerojnë aktivitetet e tyre krijuese, duke gëzuar mundësinë për të punuar me Big Band-in e BNR.

"Puna me Big Band-in e BNR-së është shumë e këndshme për mua, sepse nga njëra anë, dirigjenti Antoni Donçev është një nga muzikantët më të mirë të xhazit në Bullgaridhe unë personalisht kam një respekt shumë të madh për të. Nga ana tjetër, ne jemi miq dhe provat kalojnë me humor të madh. Shumica e muzikantëve në Big Band gjithashtu janë miqtë tanë. Kështu që atmosfera e punës është shumë e këndshme. E pres me padurim këtë koncert më 21 mars, ditën, kur zakonisht festojmë pranverën e parë, kështu që përveç muzikës së mirë do të festojmë edhe pranverën dhe jetën e re. Ejani!"