Presim nga Serbia reforma në ligj, duke përfshirë edhe çështjet e të drejtave të njeriut dhe të pakicave. Kështu deklaroi zëvendëskryeministrja dhe ministre e jashtme në dorëheqje, Maria Gabriel, para forumit “BE takon Ballkanin”, i cili u organizua nga Forumi Liberal Evropian, partia ALDE dhe Klubi Atlantik në Bullgari. Gabriel i bëri thirrje Beogradit që t'i përmbahet politikës pan-evropiane dhe këmbënguli se Kosova nuk mund të lihet pas: "Një përgjigje e bashkuar e BE ndaj kërkesës së Prishtinës për anëtarësim do të japë rezultate".

Sa i përket Maqedonisë së Veriut, ajo kujtoi se Shkupi duhet të përmbushë detyrimet e tij për të vazhduar integrimin evropian. Ndër to janë ndryshimet kushtetuese dhe përfshirja e bullgarëve në kushtetutë. “Bullgaria do të vazhdojë të punojë që Ballkani Perëndimor të bëhet pjesë e BE-së”, tha Gabriel.