Pesë medalje është shifra e medaljeve në ditën e fundit të Kupës Botërore të Gjimnastikës Ritmike në Sofje.

E dyta në shumëgarësh Stilijana Nikollova fitoi dy medalje të arta – për kombinimin me top dhe me fjongo ,dhe medaljen e argjendta për vallëzimin me rreth. Kampionia Borjana Kalejn doli e dyta në kombinimin me birila. Në kombinimet me shirit, top dhe rreth, ajo gaboi dhe nuk arriti të ngjitej në podium.

Ansambli bullgar i përbërë nga Magdalina Minevska, Sofia Ivanova, Kamelija Petrova, Rejçëll Stojanov dhe Margarita Vasileva fitoi medaljen e argjendtë në kombinimin me dy topa dhe tre shirita. Fatkeqësisht, vajzat nuk e luajtën pastër kombinimin e tyre me pesë rrathë dhe përfunduan në vendin e gjashtë.

Të shtunën, për shkak të një loje të jashtëzakonshme me tre shirita dhe dy topa, vajzat e ansamblit krijuan një mrekulli dhe me notën më të mirë të ditës arritën të shkelin në podiumin e nderit, ndonëse në shkallën më të ulët. Një ditë më parë, ata filluan jo bindshëm dhe me vallëzimin me pesë rrathë u renditën në vendin e shtatë. E shtuna ishte një ditë e suksesshme për Borjana Kalejn, e cila e fitoi tutullin, duke luajtur në një mënyrë perfektë kombinimin e saj me birila dhe shirit. Stiljana Nikollova , e cila kryesonte pas ditës së parë, gaboi në vallëzimin me birila dhe nuk arriti të fitojë vendin e parë, duke u radhitur pas Daria Atamanov nga Izraeli.

• Elita e gjimnastikës ritmike botërore mblidhet në Kupën e Botës në Sofje