E Enjtja e Madhe është një nga dy ditët e Javës së Madhe që lyejmë vezët për Pashkët. Tradita dikton që këtë detyrë të rëndësishme ta marrë përsipër gruaja më e moshuar në familje dhe veza e parë të lyhet gjithmonë me ngjyrë të kuqe. Sipas Kishës Ortodokse, ngjyra e kuqe është simbol i gjakut të Krishtit dhe vuajtjeve, të cilat ai përjetoi në Kryqin e Shenjtë. Nga pikëpamja folklorike veza zgjidhet si personazhi kryesor rreth të cilit formohet festa, pasi lidhet me diellin, jetën dhe pjellorinë. Thyerja e guaskës së tij perceptohet si një çlirim nga prangat e të vdekshmit.
Ka dhe një traditë interesante që lidhet me fëmijët dhe të rinjtë në shtëpi. Për t'i mbrojtur nga syri i keq dhe fatkeqësia, faqet e tyre fërkohen me vezën e parë të kuqe ende të ngrohtë. Më pas mbahet përpara ikonës së shtëpisë derisa të zëvendësohet me një të re vitin e ardhshëm.
Në dekorimin e vezëve të Pashkëve, bullgarja vendos gjithë aftësinë, sensin estetik dhe traditën e saj. Koleksioni më i madh i vezëve të pikturuara ruhet në Muzeun Historik të Velingradit. Piktorja unike nga qyteti Maria Mallçeva ka kërkuar dhe ka shpëtuar nga harresa modele të më shumë se shtatë dekadave më parë.
Çdo vit që kalon, shpiken teknika të reja për të dekoruar vezët e Pashkëve. Kështu, metodave tradicionale të ngjyrosjes me bojëra nga materiale natyrore ose në bazë kimike, dekorimit të tyre me stilolaps dylli etj., u shtohen disa teknika jo tradicionale, për të cilat mund të lexoni në botimin e vijueshëm nga koleksioni i Radio Bullgaria:
Shpresojmë t'ju kemi frymëzuar të krijoni vezë të bukura të lyera për të kurorëzuar festën tuaj me besim, gëzim dhe bukuri!
Lexoni edhe:
Përpilues: Ioan Kolev
Përgatiti në shqip dhe publikoi: Svetllana Dimitrova
Foto: BGNES, Muzeu Historik Velingrad
Më 17 dhe 18 tetor 2024 në Universitetin e Sofjes “Shën Klementi i Ohrit” do të mbahet konferenca shkencore ndërkombëtare “Paralelet ballkanike” kushtuar përvjetorit të 30-të të themelimit të degës së Ballkanistikës. Ballkanistika është..
Më 14 shtator, Kisha Ortodokse Bullgare kremton Lartësimin e Kryqit të Nderuar. Kjo është ndër dymbëdhjetë festat kryesore të krishtera. Në këtë ditë ne kremtojmë gjetjen e Kryqit të Shenjtë në të cilin u kryqëzua Jezu Krishti. Sipas librave të..
Pikërisht 100 vjet më parë, më 12 shtator 1924 filloi shenjtërimi i Tempullit Monument “Shën Aleksandër Nevski”, ndërtuar “në shenjë mirënjohjeje ndaj popullit rus për Çlirimin e Bullgarisë nga zgjedha osmane në vitin 1878”, me ide të politikanit..
“Sot festojmë një përvjetor: 139 vjet nga Lufta Serbo-Bullgare dhe fitorja e ushtrisë së re bullgare. Ashtu si Bashkimi i Bullgarisë është vetëm..
Vranësira të dendura
Vranësira