Pjesëmarrja e denjë e ushtrisë bullgare në operacionet dhe misionet e NATO-s dhe BE-së e bëri Bullgarinë një partner të dëshirueshëm për përgatitjet dhe stërvitjet e përbashkëta, të cilat janë jashtëzakonisht të nevojshme në kushtet e operacioneve ushtarake, krizave dhe pasigurisë, bëri të ditur ministri në detyrë i mbrojtjes, Atanas Zaprjanov. Sipas traditës, në prag të Ditës së Guximit dhe festës së Ushtrisë Bullgare, 6 majit, ministri dhe shefi i Mbrojtjes, Adm. Emill Eftimov mori pjesë në një video-konferencë me komandantët kombëtarë të kontingjenteve ushtarake bullgare jashtë vendit. Ushtarët bullgarë janë në misione në Bosnje dhe Hercegovinë, Kosovë dhe Irak. Më shumë se 140 ushtarakë janë gjithashtu të ngarkuar në 4 operacione të NATO-s dhe 5 operacione të BE-së, tha Komanda e Forcave të Përbashkëta.