Grupet e punës ndërdikasteriale do të punojnë për të përshpejtuar zbatimin e projekteve për ndërtimin e kapaciteteve të reja bërthamore në sheshin e Centralit Atomik Elektrik “Kozlloduj” dhe të Korridorit Vertikal të Gazit, njoftoi qendra e shtypit e Këshillit të Ministrave. Grupet u krijuan me urdhër të kryeministrit në detyrë Dimitër Gllavçev.

Projektet - pjesë e nismës së Korridorit Vertikal të Gazit midis Bullgarisë, Greqisë, Rumanisë, Hungarisë, Sllovakisë, Ukrainës dhe Moldavisë, do të ofrojnë një mundësi për të transferuar vëllime shtesë të gazit natyror nga burime të ndryshme dhe të besueshme nga jugu në veri.

Ndërtimi i objekteve të reja bërthamore në Sheshin e Centralit Atomik Elektrik “Kozlloduj” është një projekt strategjik për vendin tonë. Në fund të vitit qeveria e Nikollaj Denkov njoftoi një procedurë për njësitë e shtatë dhe të tetë të Centralit “Kozlloduj” - ndërtimi i tyre pritet të përfundojë përkatësisht në 2033 dhe 2036.