Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat në Bullgari", organizuar nga Federatat Industriale të Sindikatës "Podkrepa" dhe të Konfederatës së Sindikatave të Pavarura. Sipas ekspertit, rritja e pagës minimale në të ardhmen duhet të jetë 15.7 %dhe kujton se, sipas analizës së Konfederatës së Sindikatave të Pavarura, kostoja e jetesës për një punëtor është 1450 leva (728 euro). Sindikalisti shpreson të avancojnë negociatat mes sindikatave dhe Ministrisë së Punës për zbatimin e teksteve të Direktivës Evropiane të pagës minimale. Afati i fundit për zbatimin e direktivës është 15 nëntori. Më 1 shtator, ministri i çështjeve sociale duhet të përcaktojë pagën minimale për vitin e ardhshëm.
Moody's pret që Bullgaria të hyjë në Eurozonë jo më vonë se fillimi i vitit 2026. Sipas agjencisë së vlerësimit, rritja e ekonomisë bullgare në vitin 2024 do të jetë 2.9%. Kriza e vazhdueshme politike e brendshme dhe mundësia e zgjedhjeve të reja..
Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak..
Qeveria e përkohshme e ngarkoi zëvendëskryeministren dhe ministre të financave Ljudmila Petkova që të paraqesë deri më 11 shtator një propozim për një ndryshim në Planin e Rimëkëmbjes dhe Qëndrueshmërisë sipas kapitullit REpowerEU. Kjo bëhet për të..