Dara Malinova dhe Magdalena Vëllkova fituan medaljet e para për Bullgarinë në Kampionatin Evropian të Gjimnastikës Ritmike në Budapest. Malinova fitoi medaljen e argjendtë në shiritin te vajzat me 29.600 pikë. Medaljen e artë e fitoi rumunia Amalia Lika me 30.950 pikë dhe e treta u rendit Barbara Kaja nga Gjeorgjia me 29.000 pikë. Vëllkova fitoi një medalje bronzi në finalen e topit për vajza. Ajo prezantoi shumë mirë kompozimin e saj të bukur dhe mori 31.150 pikë. Meital Sumkin e Izraelit u bë kampione e topit me 33.550 pikë, e dyta është Anna Pierxhentili nga Italia me 31.250 pikë. Dy bullgaret debutuese, janë të katërtat në garën ekipore, vetëm 0.1 pikë larg medaljeve të bronzta.

Stilijana Nikollova dhe Borjana Kalein siguruan pjesëmarrje në tre finale të veglave të veçanta pas kualifikimeve për femra në rreth dhe top.