Dërgimi i ushtarëve bullgarë në Ukrainë nuk është diskutuar kurrë, tha kryeministri Dimitër Glavçev pas një takimi me Sekretarin e Përgjithshëm të NATO-s Jens Stoltenberg në Sofje. “Për mua, ky është një shembull tipik i një sulmi hibrid dhe dezinformimi. Le të jenë të qetë qytetarët bullgarë”, tha kryeministri në detyrë. Ai sqaroi se ata diskutuan çështjet në rajonin e Detit të Zi dhe ndihmën për Ukrainën. Ndihma nuk ka alternativë, nuk kemi folur për rritjen e saj jashtë vendimeve të Kuvendit, saktësoi kryeministri. “Në fund të takimit, Jens Stoltenberg tha se ne duhet ta ndihmojmë Ukrainën me të gjitha forcat, por asnjë vend i NATO-s nuk duhet të përfshihet në luftë”, shtoi Gllavçev. Stoltenberg tha në konferencën e përbashkët për shtyp se pranon detyrën për përmirësimin e sigurisë në rajonin e Detit të Zi dhe në Ballkanin Perëndimor.

• Kryeministri Dimitër Gllavçev bëri thirrje për një prani më të madhe të NATO-s në Detin e Zi dhe në Ballkanin Perëndimor