Ne e vlerësojmë shumë gatishmërinë e Komitetit Olimpik Ndërkombëtar për të mbështetur përpjekjet dhe ambicien e Bullgarisë për të pritur Olimpiadën Dimërore të të Rinjve. Kështu deklaroi presidenti Rumen Radev në një takim me presidentin e Komitetit Tomas Bah. Në selinë e organizatës në Lozanë, kryesia e Komitetit Olimpik Ndërkombëtar shprehu gatishmëri për ndihmë në përgatitjen e udhërrëfyesit për ngritjen e kandidaturës bullgare dhe në përmbushjen e standardeve për mbajtjen e ngjarjes sportive në Sofje. “Bullgaria është krenare për traditat e saj në sportet dimërore dhe ka përvojë të konsiderueshme në organizimin e garave ndërkombëtare. Vendi ka kushte të shkëlqyera natyrore”, tha presidenti Radev. Sipas Bah, afërsia e kryeqytetit me malin do të lehtësonte shumë organizimin e aktivitetit, por duhet bërë një vlerësim i objekteve dhe infrastrukturës që nevojiten për të zhvilluar Olimpiadën Rinore.