8 qershori në Bullgari është një ditë reflektimi para zgjedhjeve për parlamentin kombëtar dhe atë evropian. Këtë ditë zgjedhësi duhet të lihet vetëm me ndërgjegjen e tij për të marrë vendimin më të arsyeshëm për të, se për kë do të japë votën e tij. Në ditën e reflektimit, si dhe në ditën e zgjedhjeve, sipas Kodit Zgjedhor, fushata politike është e ndaluar. Gjithashtu, ndalohet shpallja në çfarëdo forme e rezultateve të parashikimit të sondazheve të opinionit publik. Përjashtim bëjnë rrjetet sociale, të cilat sipas ligjit nuk janë objekt rregullimi, saktësojnë nga Komisioni Qendror i Zgjedhjeve (KQZ).
Për dashurinë e popullit do të konkurrojnë 6100 kandidatë për deputetë në Kuvendin Popullor, nga të cilët 1826 janë gra. Kandidatët për 17 mandatet e Bullgarisë në Parlamentin Evropian janë 418, nga të cilët 131 janë gra.
Dita e zgjedhjeve më 9 qershor fillon në orën 07:00 dhe përfundon në orën 20:00 dhe nëse ka radhë votuesish zgjatet deri në orën 21:00.
Adresat e seksioneve zgjedhore për votim nga bashkatdhetarët tanë jashtë vendit gjenden në faqen e Ministrisë së Punëve të Jashtme.

Një sqarim i rëndësishëm është se votuesit bullgarë që jetojnë në vende jashtë BE-së ose ndodhen në to ditën e zgjedhjeve mund të ushtrojnë të dyja llojet e votave vetëm në qendrat e votimit të hapura në përfaqësitë diplomatike dhe konsullore të Bullgarisë. Në seksionet e mbetura të hapura në vendet jashtë BE-së, qytetarët bullgarë do të mund të votojnë vetëm për Kuvendin Popullor të Bullgarisë.
Kur votojnë jashtë vendit, zgjedhësit duhet të identifikohen në komisionin seksional zgjedhor me kartë identiteti, pasaportë ose letërnjoftim ushtarak bullgar (vetëm për personelin ushtarak).
Përgatiti në shqip dhe publikoi: Svetllana Dimitrova
Foto: BTA, alpharesearch.bg
Me bekimin e Sinodit të Shenjtë të Kishës Ortodokse Bullgare, në faqen zyrtare të Patrikanës që nga data 1 nëntor është i disponueshëm një aplikacion celular për besimtarët. Në versionin e parë, aplikacioni përfshin seksione kryesore si: “Bibla –..
Me gjallërinë, disponimin dhe ngjyrat rinore të tyre, nxënësit e shkollës bullgare të së dielës “Dr. Petër Beron” sollën frymë rinore gjatë vizitës së tyre në Radion Kombëtare Bullgare. Ata kishin ardhur nga Larnaka. Grupi nga Qiproja, i përbërë nga 16..
Sofja ka fituar një parajsë të re kulturore. Phenomena është muzeu i parë në Bullgari i dedikuar lidhjes midis shkencës dhe artit. Hapësira paraqet zbulime shkencore, teknologji, inxhinieri, art dhe matematikë në frymën e arsimit STEAM (Science,..
Fertility Europe, rrjeti panevropian i shoqatave të pacientëve me probleme riprodhuese, shpalli fillimin e Javës së nëntë Evropiane të Fertilitetit 2025..