Në ditën e dytë të konsultimeve me presidentin Rumen Radev për formimin e qeverisë, lideri i “Vëzrazhdane” Kostadin Kostadinov shprehu besimin se është e mundur të ketë një kabinet në kuadër të Kuvendit të ri Popullor. Ai e arsyetoi supozimin e tij me faktin se forcat politike jashtë të parës dhe të dytës (GERB-SDS dhe Lëvizja për të Drejta dhe Liri - DPS) kanë 125 mandate kundrejt 121 të kërkuarve.
“Formulën për daljen nga situata politike e ka vendosur votuesi bullgar duke vendosur që në parlament të ketë më shumë parti që deklarojnë se nuk do të qeverisin me GERB dhe DPS”, tha Kostadin Kostadinov. Kreu i “Vëzrazhdane” deklaroi se nëse forcat e para dhe të dyta politike nuk arrijnë të formojnë një kabinet, formacioni i tij është gati të marrë mandatin e tretë dhe të bisedojë me të gjithë pa GERB dhe DPS për të formuar një qeveri të gjerë me një figurë konsensusi për kryeministër.
Kryetari i partisë ka komentuar edhe pjesëmarrjen jashtëzakonisht të ulët të votuesve: “Një arsye për apatinë e votuesve është se janë dy parti që janë problem serioz për funksionimin e sistemit politik, dhe këto janë GERB dhe DPS. Në këto zgjedhje ka një tërheqje të mbi 500 mijë votuesve.”
Para presidentit Rumen Radev, lideri i “Vëzrazhdane” Kostadin Kostadinov ngriti çështjen për thirrjen e mundshme të Këshillit Konsultativ për Sigurinë Kombëtare me rastin e zgjedhjes së ardhshme të patriarkut bullgar. Sipas tij, kisha jonë mund të bëhet "një lidhje në planin për zbatimin e një ukrainizimi zvarritës në Bullgari". “Kam bërë një hetim ku duhet dhe kam marrë përgjigje se nuk ka një kërcënim të tillë apo kërcënim të përmasave të tilla për të cilat ju po flisni”, u përgjigj Rumen Radev.
Në takimin me përfaqësuesit e partisë së pestë më të fortë parlamentare, Partia Socialiste Bullgare (BSP), deputeti Borisllav Gucanov deklaroi se çështja e mandatit të parë dhe të dytë është shteruar, por ekziston mundësia që të bëhet një provë me mandatin e tretë për formimin e një kabineti prej ekspertësh. Ai shtoi se zgjedhja se kujt t'ia dorëzojë mandatin i takon presidentit dhe nëse është BSP, partia është e gatshme të marrë përgjegjësinë.
"Ka dy rrugë përpara BSP-së - njëra është të jemi thjeshtë vëzhgues, dhe tjetra është të përpiqemi të marrim pjesë në këto procese," komentoi Atanas Zafirov, kryetar i përkohshëm i partisë. Sipas tij, rezultati i zgjedhjeve e bën të pakuptimtë bisedën për qeveri minoritare, të propozuar dje nga GERB-BSP.
Atanas Zafirov theksoi se BSP nuk do të marrë pjesë në asnjë mënyrë në qeverisjen me GERB-in.
Lexoni më shumë:
Bashkëpunimi shumëpalësh ofron mundësi që, në kushte barazie midis pjesëmarrësve, të arrihen zgjidhje të përbashkëta, tha kryeministri Rosen Zheljazkov gjatë hapjes së Forumit të Katërt të Prokurorëve të Përgjithshëm nga vendet ballkanike në Sofje. Ai..
Më 6 dhe 7 tetor në Plovdiv po zhvillohet Konferenca e 9-të Globale për Turizmin e Verës. Organizatorë janë Ministria e Turizmit në partneritet me Organizatën Botërore të Turizmit pranë Kombeve të Bashkuara (UN Tourism). Në diskutime, temat kryesore..
Numri i udhëtimeve të bullgarëve jashtë vendit në gusht 2025 ka qenë 1.079 milion, ose 19.4% më shumë krahasuar me gushtin 2024. Këtë e tregojnë të dhënat e Institutit Kombëtar të Statistikave. Më shpesh, bashkatdhetarët tanë kanë udhëtuar në Greqi..
Tre lokomotiva të reja elektrike Siemens Smartron hyjnë në shërbim sot, 10 tetor, njoftoi Ministri i Transportit Grozdan Karaxhov. Dy prej tyre do të..
Të shtunën , një çrregullim atmosferik do të kalojë mbi vendin. Temperaturat minimale do të luhaten nga 8° deri në 13°, ndërsa në Sofje pritet..
Kryeministri Rosen Zheljazkov, Ministri i Bujqësisë Georgi Tahov dhe Komisioneri i BE-së për Bujqësinë Christophe Hansen përuruan kanalin e rinovuar të..
Vranësira të dendura
Vranësira