Bullgaria dhe Rumania po punojnë për të përmirësuar lundrimin në Danub

botuar më 24-06-29 10.30.PD

Foto: BTA

Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin ekzekutiv të agjencisë ekzekutive "Kërkimi dhe mirëmbajtja e lumit Danub" (IAPPD) në Ruse, Ivelin Zanev.

“Ky është projekti i parë i përbashkët që realizohet vetëm mes nesh dhe kolegëve tanë nga AFJ – Rumani, në kuadër të programit për bashkëpunim ndërkufitar”, sqaroi Zanev.

Brenda tre viteve, dy institucionet e Bullgarisë dhe Rumanisë do të punojnë së bashku për të zbatuar një sistem inovativ dhe të integruar për përcaktimin e korsisë së transportit në pjesën e përbashkët të lumit. Për këtë do të sigurohen sinjale lundruese dhe sinjale për në breg, si dhe nga një mjet lundrues.

Kufiri lumor midis Bullgarisë dhe Rumanisë është 470 km. Pas zbatimit të projektit për përmirësimin e lundrimit në Danub, sistemi i unifikuar i integruar do të japë informacion në kohë reale për gjendjen e sinjalevelundruese dhe bregdetare në seksionin e përbashkët bullgaro-rumun, shpjegoi Ivelin Zanev.

Përpiloi: Elena Karkallanova

Foto: BTA, facebook.com/appdbg

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Bullgaria dhe Rumania po punojnë për të përmirësuar lundrimin në Danub

Më shumë nga rubrika

Besimi dhe arsimi forcojnë lidhjet mes bullgarëve në Emiratet e Bashkuara Arabe

Fondacioni “Kujtesa Bullgare” bën një donacion të ri për bullgarët në Shqipëri

Hapet një Institut për Diasporën Bullgare në Universitetin e Shkencave të Bibliotekave dhe Teknologjive të Informacionit