Pas debateve të ashpra, parlamenti hodhi poshtë kabinetin e propozuar nga GERB-SDS me kryeministrin Rosen Zheljazkov. 98 deputetë e mbështetën, 138 deputetë votuan “kundër”, dy abstenuan. Kujtojmë se Zheljazkov, që përfaqëson forcën e parë politike në parlament, më 1 korrik mori nga presidenti Rumen Radev mandatin e parë eksplorues dhe menjëherë e ktheu të plotësuar. “Kabineti i pakicës” i shpallur prej tij përbëhej nga një zëvendëskryeministër dhe 19 ministra, 7 prej të cilëve ushtrues detyre në kabinetin teknik me kryeministrin Dimitër Gllavçev.
“Përbërja e qeverisë e propozuar nga unë ka për detyrë kryesore rivendosjen e qeverisjes efektive, mesatarisht në tri vitet e fundit në Bullgari mbahen zgjedhje çdo 6 muaj. Shoqëria tashmë është bërë apatike dhe vetëm bërthamat e forta votojnë”, argumentoi Zheljazkov nevojën për të mbështetur këtë kabinet, duke theksuar se kandidatët për ministra e kanë dëshmuar veten se janë politikanë.
"Kjo është një qeveri e tipit harroni për të ardhmen, ne nuk mund ta mbështesim. Sot na ofrohet një qeveri nga GERB, e plotësuar nga disa ministra që i janë besuar Peevskit," tha Nikollaj Denkov, ish-kryeministër nga PP-DB.
"Ne do të veprojmë në mënyrë shtetërore... Do të mbështesim mandatin e fituesit në zgjedhje, sepse respektojmë votën e zgjedhësve bullgarë", tha nënkryetari i forcës së dytë parlamentare - DPS, Jordan Conev nga foltorja parlamentare. Ai siguroi se partia e tij do të bëjë të njëjtat përpjekje për një qeveri me mandatin e dytë, nëse do t'i dorëzohet, në mënyrë që "Bullgaria të ketë një qeveri që është rreth vlerave që rrëfen bota e lirë perëndimore".
“Nuk do të mbështesim kabinetin “Zheljazkov”, që e kthen DPS-në në patericë të GERB-it”, deklaroi kreu i nacionalistëve “Vëzrazhdane” Kostadin Kostadinov.
"Ne e respektojmë GERB-in, sepse ata po përpiqen të formojnë një kabinet, por ne nuk mund ta mbështesim atë. Ju nuk e kuptoni se keni krijuar humnera në shoqëri. Duhet të ketë një kabinet, por ekspertësh, të pajtimit kombëtar", theksoi kryetari i grupit parlamentar të BSP Borisllav Gucanov.
“Nga kriza mund të dalet vetëm me një kabinet ekspertësh me një program të qartë dhe me mbështetje të gjerë parlamentare”. Kështu, Toshko Jordanov arsyetoi vendimin e ITN për të votuar kundër kabinetit të propozuar të pakicës GERB-SDS.
Lideri i GERB-it, Bojko Borisov, para deputetëve theksoi se partia nuk do të mbështesë qeverinë as me mandatin e dytë e as me atë të tretë, që do të thotë se do të shkojmë sërish në zgjedhje. “Nuk është logjike që partitë me 6-7% të dominojnë”, argumenton ai.
Në hapjen e vitit shkollor në Shkollën e Mesme të kryeqytetit “Albert Ainshtain”, presidenti Rumen Radev u bëri thirrje nxënësve që të jenë “krijues të vërtetë” të “së nesërmes” së tyre. Në urimin e tij për Vitin e Ri Shkollor, kreu i shtetit u uroi..
Me rastin e ditës së parë të shkollës, ushtruesi i detyrës së ministrit të arsimit dhe shkencës, Prof. Galin Cokov, iu drejtua drejtorëve, arsimtarëve dhe specialistëve pedagogjikë në institucionet arsimore, nxënësve të klasës së parë dhe nxënësve dhe..
Në 396 shkolla të së dielës të regjistruara për vitin e ri shkollor 2024/2025 në 43 shtete në 6 kontinente do të mësojnë mbi 32 000 fëmijë bullgarë. Më shumë se 2000 mësues do t'u japin prapë njohuri bashkatdhetarëve tanë të rinj - jo vetëm për..
BSP insiston që Ministria e Punëve të Jashtme të thërrasë ambasadorin e Republikës së Maqedonisë së Veriut në vendin tonë për shpjegime lidhur me..
Me një festival gjashtëditor të zanateve në Veliko Tërnovo , nisin festimet me rastin e 116 vjetorit të shpalljes së Pavarësisë së Bullgarisë..
Vizita e presidentes së Maqedonisë së Veriut Gordana Siljanovska është me rastin e një ngjarjeje kulturore - vizita e Operës dhe Baletit Kombëtar të..