Vazhdon lufta kundër zjarreve në rajone të ndryshme të Bullgarisë. Situata në Komunën Boljarovo, e vendosur në kufirin me Turqinë, po ndërlikohet. Zjarri i ripërtërirë si pasojë e erës së fortë arriti deri në shtëpitë e fshatit Voden, në rajonin e qytetit Jamboll. Ka  shtëpi dhe objekte bujqësore të djegura. Imponohet evakuimi i përkohshëm i banorëve. Më shumë se 10 ekipe nga Jambol, Sliven, Burgas dhe Haskovo ndodhen në vendin e zjarrit. Zjarrfikësve iu bashkua një helikopter nga Baza Ajrore Krumovo. Aktualisht nuk ka raportime për banorë të lënduar.

Në zonë është në fuqi një gjendje e pjesshme e jashtëzakonshme. Me urdhër të ministrit të punëve të brendshme, Kalin Stojanov, në shuarjen e zjarrit në zonën e fshatit do të angazhohen edhe makina ujë-hedhëse të xhandarmërisë.

• Republika Çeke dërgon 2 helikopterë në ndihmë të Bullgarisë për shkak të zjarreve

• Vazhdon shuarja e zjarreve në vend, pika kritike është Stara Zagora

• Vapa me rrezik zjarresh po vazhdon, situata në rrethin e Svilengradit është kritike