Agjencia e Asistencës Sociale krijoi shumë shpejt një organizatë për të ofruar mbështetje për familjet e dëmtuara nga zjarret në vend, njoftoi qendra për shtyp e agjencisë. Punonjësit social pranojnë aplikime në vend për ndihmë një herë për të mbuluar nevojat jetike të rastësishme, shuma maksimale e së cilës është 1578 leva (rreth 800 euro). Ministri i Punës dhe Politikës Sociale Ivajllo Ivanov njoftoi në një konferencë të përbashkët me kryeministrin Dimitër Gllavçev dhe Ministrin e Punëve të Brendshme Kalin Stojanov në fshatin Otec Paisievo të Plovdivit, se përveç ndihmës nga Agjencia në fjalë, familjet mund të aplikojnë në komunën përkatëse për ndihmë deri në 2500 leva (1250 euro) nga Fondi i Mbrojtjes Sociale i Ministrisë së Punës dhe Politikës Sociale. Përveç kësaj, njerëzit do të mund të aplikojnë për ndihmë në fondin e Komisionit Ndërinstitucional për Rimëkëmbje dhe Ndihmë pranë Këshillit të Ministrave, sqaroi ministri Ivajllo Ivanov.

• Turqia dërgoi 20 makina për të ndihmuar në shuarjen e zjarreve në Boljarovo dhe Sakar

• Republika Çeke dërgon 2 helikopterë në ndihmë të Bullgarisë për shkak të zjarreve

• Vazhdon shuarja e zjarreve në vend, pika kritike është Stara Zagora

• Vapa me rrezik zjarresh po vazhdon, situata në rrethin e Svilengradit është kritike