Për ne, bullgarët, Bataku është një qytet i shenjtë! Edhe sot e kësaj dite, atje ndihet jehona e ngjarjeve tragjike që lidhen me Kryengritjen e Prillit të vitit 1876, kur shumica e banorëve të pafajshëm të qytezës në malin e Rodopeve u vranë nga pushtuesit osmanë - burime të ndryshme dëshmojnë për 1400 deri në 5000 viktima. Jehona në Evropë dhe në mbarë botën nga kryengritja e ndrydhur në gjak zgjoi ndërgjegjen e personave të njohur publikë. Garibaldi, Victor Hugo, Darvini, Januarius McGahan dhe shumë të tjerë, dënuan kategorikisht mizorinë e pushtuesit dhe bota filloi të flasë për herë të parë për Batakun. Nëse ecni përgjatë Shtegut të Kujtesës në qendër të qytetit, do të shihni monumentet e tyre.
Dhe në një mur të veçantë në Muzeun Historik janë shkruar emrat e disa prej viktimave të masakrës. Në kishën e vjetër "Sveta Nedelja" (“Shën e Diela”), ku mijëra gra dhe fëmijë u vranë, ekziston një еshtore e të vdekurve, dhe shenjat e plumbave të sulmuesve janë ende të dukshme në muret e saj.
Por përveç të kaluarës së tij tragjike, Batak do t'ju bëjë përshtypje me natyrën magnetike të maleve Rodope. "Ne kemi disa liqene, shumë pyje, florë dhe faunë. Dhe sipas një studimi të NASA-s, këtu është ajri më i pastër në planet", tha për Radio Bullgarinë Teodora Pejçinova, drejtoreshë e Muzeut Historik në qytet.
"Batak ofron si turizëm kulturor, ashtu edhe atë të çiklizmit, turizëm fotografik dhe turizëm gjuetie. Kemi shtigje malore për enduro, dmth tatëpjetë për motoçikleta, si dhe itinerare off-road. Kemi kampingje që disponojnë vende për karvanë, të pajisura me rrymë, internet dhe gjithçka të nevojshme, që janë shumë të frekuentuara nga turistët e huaj. Zona ofron mundësi të shkëlqyera peshkimi. Mund të them se ne po e zhvillojmë turizmin gjatë gjithë vitit në Batak. Shtëpitë tona të shumta të pritjes, hotelet dhe restorantet në brigjet e liqeneve janë në dispozicion të vizitorëve.”
Qyteti malor ka shënuar një rritje të konsiderueshme turistike në dy vitet e fundit. “Kemi pasur një rënie gjatë pandemisë së Covid-it, por verën e kaluar arritëm numrin rekord të vizitave të vitit 2019, madje tani shënojmë një rritje edhe më të madhe”- thotë Teodora Pejçinova.
Rodopet ofrojnë jo vetëm kontakt me jetën e egër, por edhe ... kënaqësi kulinare. Cilat janë pjatat specifike të Batakut që mund të shijojnë mysafirët:
“Një nga gjërat që ne u ofrojmë mysafirëve tanë janë petullat unike të Batakut, ose Batashki Fljongi, siç i quajmë ne, me reçel manaferre, ose me reçel boronice - shpjegon Teodora Pejçinova. Gjellë tipike të Batakut janë gjithashtu byreku me lakër, këmbë derri me fasule e të tjera. Suxhuku i Batakut është gjithashtu një pjatë tërheqëse. Konsumohet në muajin janar, kur zhvillojmë Festën tonë të Suxhukut (në mes të janarit) dhe atëherë na vizitojnë shumë turistë. Bataku ka një program shumë të pasur kulturor, i cili ndiqet nga mysafirët e qytetit dhe regjionit.”
Një seri shtigjesh me hije në rrethinat e Batakut i tërheqin turistët të eksplorojnë sekretet e malit të Rodopeve. Njëri prej tyre të çon tek ujëvarat e bukura Fotinski. Deri tek tre kaskadat ujore mund të arrihet pas rreth 20 minutash shëtitje përgjatë lumit Fotinska, duke filluar nga fshati Fotinovo. Pesë ura të bukura romake janë “të shpërndara” në afërsi të fshatit, mësojmë nga Teodora.
Lexoni më tepër:
Foto: Bashkia e Batakut, BGNES, visitbatak.bg, Muzeu Historik - Batak
Përgatiti në shqip dhe publikoi: Vesella Mançeva
Kombinimi i një klime të favorshme, natyrës së bukur dhe ujërave të shumta minerale dhe baltës shëruese në Bullgari është i përshtatshëm për zhvillimin e mjekimeve të ndryshme në resortet tona. Në Kongresin e 11-të Vjetor të Unionit Bullgar të..
Fshehur nga vështrimi i turistit masiv, fshatrat e Danubit janë një magnet për adhuruesit e natyrës në kërkim të privatësisë dhe përvojave autentike. Këta udhëtarë zgjedhin fshatra të vegjël bregdetare si Srebërna, Gigen, Vetren, Novo Sello e të tjerë,..
Sofja nuk është ndër kryeqytetet më të vizituara evropiane, por ka shumë për të ofruar - qyteti është modern, duke ruajtur hijeshinë e së kaluarës. Kryeqyteti bullgar është një alternativë e mirë për Parisin dhe Londrën, shkruan edicioni bullgar i..
Fshehur nga vështrimi i turistit masiv, fshatrat e Danubit janë një magnet për adhuruesit e natyrës në kërkim të privatësisë dhe përvojave autentike. Këta..
Kombinimi i një klime të favorshme, natyrës së bukur dhe ujërave të shumta minerale dhe baltës shëruese në Bullgari është i përshtatshëm për..