Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Universiteti i Taraklisë tani është pjesë e Universitetit "Angell Kënçev" në qytetin bullgar Ruse

Foto: Facebook/Universiteti në Ruse

Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit “Angell Kënçev” në qytetin bullgar Ruse, njoftoi qendra për shtyp e Këshillit të Ministrave. Nëpërmjet marrëveshjes, akses i menjëhershëm në arsimin e lartë bullgar i jepet një numri të madh shtetasish moldavianë me origjinë bullgare nga rajonet Taraklia dhe Gagauzia. Në strukturën e krijuar rishtazi, studentët do të trajnohen në drejtime nga shtatë fusha profesionale të Universitetit në Ruse: "Pedagogji e mësimit në ...", "Administrim dhe menaxhim", "Informatikë dhe shkenca kompjuterike", "Inxhinieri mekanike", "Inxhinieri elektrike, elektronikë dhe automatizim", "Inxhinieri komunikimi dhe kompjuteri" dhe "Inxhinieri e përgjithshme".

Specialitetet u përzgjodhën nga specialistë të kualifikuar në përputhje me nevojat e rajonit në Moldavi. Procesi mësimor do të mbahet në bullgarisht, rumanisht dhe anglisht. Studentët e diplomuar me sukses do të marrin një diplomë të Universitetit të qytetit Ruse për mbarimin e një shkalle arsimore kualifikuese të arsimit të lartë dhe, nëse dëshirojnë, një shtesë për diplomë evropiane.

Universiteti është i gatshëm të ofrojë në vitet në vijim trajnime në specialitete të tjera, për të cilat ka një interes të deklaruar. Ky akt forcon politikën bullgare në lidhje me diasporën bullgare në rajonin e Taraklisë.




Последвайте ни и в Google News Showcase, за да научите най-важното от деня!

Më shumë nga rubrika

Shënojmë Ditën Botërore të Sëmundjeve të Rralla

Me iniciativën e Bashkimit Evropian dhe të Organizatave të Pacientëve për Luftën kundër Sëmundjeve të Rralla, ditën e fundit të shkurtit po fokusohemi tek personat që jetojnë me një sëmundje të rrallë. Po organizohen fushata shqaruese për të rritur..

botuar më 25-02-28 1.22.MD

Inteligjenca artificiale po krijon një realitet të ri për punëdhënësit dhe punëtorët

Në epokën e rritjes së dixhitalizimit dhe depërtimit të inteligjencës artificiale në të gjitha sferat e jetës sonë, profesionet e njerëzve shumë të kualifikuar dhe më të paguar janë më të rrezikuar nga zhdukja. Më pak të prekura janë punët që kërkojnë..

botuar më 25-02-28 7.30.PD

Komunitetet bullgare jashtë vendit janë ndër prioritetet në Programin e Menaxhimit të Qeverisë

Mbrojtja dhe garantimi i të drejtave dhe interesave të qytetarëve bullgarë, personave me identitet bullgar dhe komuniteteve bullgare jashtë vendit janë ndër prioritetet e përcaktuara në Programin e Qeverisë për Qeverisjen e Bullgarisë për..

botuar më 25-02-27 1.33.MD