Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shtatë medalje olimpike për Bullgarinë në Paris

Bullgaria është në vendin e 26-të për sa u përket medaljeve në Lojërat Olimpike në Paris

| rinovuar më 24-08-12 11.04.PD
Borjana Kalejn
Foto: BTA

Tihomir Ivanov fitoi vendin e tetë në kërcim së larti me rekord personal për sezonin 2,27 m dhe i dha fund pjesëmarrjes së Bullgarisë në Lojërat Olimpike në Paris.

Bilanci për Bullgarinë është shtatë medalje - tre ari, një argjendi dhe tre bronzi, që është një medalje më shumë se në Olimpiadën në Tokio në 2021.

Nderimet erdhën në dy ditë radhazi në përfundim të forumit më të lartë sportiv. Më 8 gusht, Semen Novikov fitoi një medalje të artë  në kategorinë deri në 87 kg në mundje klasike, dhe boksieri Javier Ibanez, taekwondistja Kimia Alizadeh dhe peshëngritësi Bozhidar Andreev fituan bronz.

Shpresoj që pas kësaj medaljeje t'i kem sjellë shumë gëzim popullit bullgar. E di që në Bullgari i duan rusët, por shpresoj që më shumë do t'i duan edhe ukrainasit”, tha kampioni olimpik i lindur në Ukrainë, i cili konkurroi për Bullgarinë.

Semen Novikov

Një ditë më vonë, Karlos Nasar, në kategorinë deri në 89 kg në peshëngritje vendosi dy rekorde botërore - 404 kg në dyluftim dhe 224 kg në shtytje, Medalje të artë olimpike fitoi edhe mundësi Magomed Ramazanov në stilin e lirë në 86 kg. Gjimnastja Borjana Kalejn i dha një përfundim yjor karrierës së saj, duke fituar një medalje argjendi në garën individuale.

Desha të dërgoj një mesazh për të gjithë të rinjtë që të mos ndalojnë së punuari për ëndrrat e tyre, sepse ato vërtet bëhen realitet. Nuk kam si ta di nëse do të bëhem kampion olimpik, por doja t'u jepja kurajo të gjithë bullgarëve - të shkelim këtu me krenari”, tha Karlos Nasar.

Karlos Nasar

Më duhej ta fitoja fillimisht luftën me veten time. Mendova për dështimet e mia në të kaluarën, isha gati të bëja gjithçka për titullin olimpik dhe fitova. Ishte shumë e vështirë, sidomos vitin e fundit - babai im vdiq 3 vjet më parë dhe ishte një moment shumë i vështirë në jetën time”, tha Magomed Ramazanov.

Magomed Ramazanov

Bullgaria mori pjesë në Paris me 46 përfaqësues në 16 sporte - badminton, boks, mundje, peshëngritje, kanotazh, xhudo, kanoe-kajak, atletikë e lehtë, pentatlon modern, not, gjimnastikë sportive, qitje, taekwondo, tenis, skermë dhe gjimnastikë ritmike.

Flamuri bullgar në ceremoninë e mbylljes së Lojërave Olimpike të Parisit u mbajt nga gjimnastja Borjana Kalejn dhe kampioni në mundje klasike Semen Novikov.


Në këto Lojëra Olimpike në Paris, Bullgaria është në vendin e 26-të për sa u përket medaljeve. Për krahasim, në Lojërat në Tokio 2020 Bullgaria ishte e 30-ta, në Rio 2016 e 54-ta, në Londër 2012 e 51-ta, në Pekin 2008 në vendin e 40-të. Bullgaria zë vendin e 15-të në mesin e vendeve në Evropë dhe është e 11-ta ndër vendet e BE-së. Në Ballkan në vend të parë është Rumania, e cila është në vendin e 23-të me 9 çmime. Dy vendet fqinje kanë një numër të barabartë medaljesh të arta.

Foto: BTA, EPA/BGNES, Rojters, AP/BTA, BGNES



Последвайте ни и в Google News Showcase, за да научите най-важното от деня!

Më shumë nga rubrika

Borisllav Radullov

Kikboksieri Borisllav Radullov u rendit i treti në Botërorin në Kinë

Kikboksieri bullgar Borisllav Radullov fitoi medaljen e bronztë në Lojërat Botërore Sportive që po mbahen në Cëndu, Kinë, njofton BGNES. Ky është medalja e parë për Bullgarinë në këto Lojëra Botërore Sportive. Dy sportistët e tjerë bullgarë në garë –..

botuar më 25-08-14 1.32.MD

Regata ndërkombëtare "Cor Caroli" fillon në Varna

Regata ndërkombëtare "Cor Caroli" fillon sot, 14 gusht, në orën 13:00 në Gjirin e Varnës, njoftoi Bashkia e Varnës. Gara, e cila do të zgjasë deri më 18 gusht, mbahet për të 25-in vit radhazi në ditët rreth festës kryeqytetit të Detit të Zi të..

botuar më 25-08-14 5.10.PD

Bullgaria (U21) eliminoi SHBA-në dhe është në 1/4 finalet e Kupës së Botës 2025

Volejbollistet e ekipit kombëtar bullgar për vajza nën 21 vjeç luajtën ndeshjen e tyre më të mirë në Kupën e Botës në Surabaja (Indonezi). Vajzat nën udhëheqjen e trajnerit Dragan Nešić nga Serbia mposhtën SHBA-në me rezultat 3:0 (25:23, 25:16,..

botuar më 25-08-13 3.37.MD