Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv arrin deri në 70 gradë. Eksperimenti kryhet për të tërhequr vëmendjen ndaj problemit të zhdukjes gjithnjë e më të madhe të gjelbërimit në qytete.

Qëllimi kryesor i këtyre analizave, sipas drejtoreshës së “Greenpeace Bulgaria”, Meglena Antonova, është të tregojë se qytetet po nxehen për shkak të efektit të ishullit të nxehtësisë urbane. Kjo nxehtësi shtesë është për shkak të mungesës së bimësisë, gazeve të shkarkimit, asfaltit të errët dhe materialeve të ndërtimit. Ndryshimet klimatike tashmë po e përkeqësojnë problemin.

Sipas një studimi të fundit nga Instituti i Shëndetit Global në Barcelonë, pemët mund të zvogëlojnë me një të tretën shkallën e vdekjes gjatë valëve të të nxehtit në qytete.

Përpilues: Joan Kolev

Përgatiti në shqip dhe publikoi: Svetllana Dimitrova

Foto: Greenpeace Bulgaria