Në moshën 81-vjeçare vdiq gazetari i njohur bullgar dhe internacionalist Ivan Garellov. Prezantuesi televiziv dhe autori i programeve të rëndësishme politike ka ndërruar jetë mëngjesin e sotëm në neuroreanimacionin e spitalit të trajtimit urgjent "Pirogov". Ai u dërgua atje me shpejtësi pas një traume në tru në mes të korrikut të këtij viti.
Ivan Garellov e filloi karrierën e tij gazetareske në Televizionin Bullgar (sot BNT) në vitin 1972 si reporter. Më pas, për 21 vjet drejtoi programin politiko-informativ “Panorama”. Në fillim të tranzicionit krijoi programin gazetaresk të mbrëmjes “Ekipi 4” në televizionin publik kombëtar. Pas vitit 2000 punoi për një kohë të shkurtër në Nova TV si shef i departamentit të lajmeve dhe më pas drejtoi programe në bTV dhe TV7. Gjatë viteve, Garellov ka mbuluar ngjarjet në Qipro dhe Greqi, duke intervistuar një sërë shtetarësh dhe personalitetesh të shquara nga fqinji ynë jugor, raporton BNT. Ai është autor i librave të shumtë, ndër të cilët i fundit ka të bëjë me konfliktin në Lindjen e Mesme, për të cilin gazetari tregon nga veta e parë.
Para aksidentit, Ivan Garellov ishte duke punuar mbi librin e tij të fundit në vendpushimin e Detit të Zi "Sveti Vllas".
Në ngushëllimet e tij, kreu i shtetit Rumen Radev deklaroi: "Profesionalizmi i Ivan Garellovit u ndërtua jo vetëm mbi baza të qëndrueshme morale, erudicionin e madh dhe standardet gazetareske, por edhe mbi një ndërgjegje qytetare, të cilën ai e mbrojti nga ndërhyrjet e papastra për t'u bërë një shembull i gazetarisë së guximshme. Sipas fjalëve të Radevit, Ivan Garellov “ishte i vetëdijshëm për përgjegjësinë e tij si një personazh publik dhe nuk u tërhoq nga përkushtimi ndaj së vërtetës për të përmbushur misionin e tij më të rëndësishëm - t'i shërbejë shoqërisë me qëndrimet e tij kritike dhe të paanshme. “Leximi objektiv i tij i ngjarjeve ishte një udhërrëfyes i besueshëm për publikun dhe një pjesë thelbësore e përpjekjeve për të mbështetur pluralitetin e opinioneve në mjedisin mediatik në vendin tonë”, theksoi presidenti.
U prehtë në paqe!
Foto: BGNES, Rumen Radev - Facebook
Që nga fillimi i vitit krimet e dhunës në familje janë rritur me 54%, në krahasim me vitin e kalua raportoi Ministria e Punëve të Brendshme në Ditën Ndërkombëtare për Eliminimin e Dhunës ndaj Grave. Me këtë rast sot nis një fushatë parandaluese kombëtare me..
Negociatat e lidershipit do të zhvillohen vetëm nëse janë për formimin e shumicës qeverisëse dhe një qeverie të rregullt nëse interesat e shtetit vendosen mbi ato të partisë . I tillë është kushti i forcës së parë politike GERB. Në një..
Në prag të festës së shenjtorit të saj, baza bullgare e Antarktidës “Shën Kliment Ohridski” hapi zyrtarisht dyert. Anëtarët e ekspeditës në krye me Prof. Hristo Pimpirev shkeli me sukses në bregun me dëborë të ishullit Livingston në..
Në Ditën Ndërkombëtare për Eliminimin e Dhunës ndaj Grave para ndërtesës së Gjykatës së kryeqytetit do të mbahet një marsh proteste organizuar nga..
Sofja do të presë festat e Krishtlindjeve dhe Vitit të Ri me dekorime të shkëlqyera në të gjitha zonat e qytetit. Theksi kryesor në transformimin e..
Pas takimit me homologun vietnamez Lëong Cëong në Hanoi, presidenti Rumen Radev theksoi se Bullgaria do të vazhdojë të mbështesë përpjekjet për..
Vranësira të dendura
Pjesërisht me re