Kapërcimi i krizës politike kërkon kthimin e parimeve në politikë dhe partitë të kuptojnë shumë qartë se besimi është çelësi i suksesit të tyre, theksoi presidenti Rumen Radev para gazetarëve në lidhje me zgjedhjet e ardhshme. Sipas presidentit, besimi vjen nga trajtimi i ndershëm i qytetarëve, ndërsa betimet dhe premtimet e përsëritura në një fushatë zgjedhore dhe shkelja e tyre menjëherë pas zgjedhjeve e minon këtë besim. Prandaj është shumë e rëndësishme që vetë partitë të mbështesin KQZ-në dhe qeverinë në përpjekjet e tyre për të organizuar realisht zgjedhje të ndershme, theksoi kreu i shtetit.

Lidhur me arritjes së “marrëveshjes korrekte” pas zgjedhjeve, të diskutuar nga forcat politike, Radev tha se çdo marrëveshje duhet të bazohet në atë që pret shoqëria. Sipas presidentit, shoqëria jonë pret që mbrojtja e interesave kombëtare të jetë baza e çdo politike qeverisëse dhe në fund të fillojë lufta kundër korrupsionit në nivelet më të larta politike. Partitë duhet të thonë që në këtë fushatë se si do ta zhvillojnë këtë luftë, shtoi presidenti.

Presidenti Rumen Radev mori pjesë në një ekspozitë të produkteve dhe shërbimeve të kompanive kryesore kineze, liderë në fushën e teknologjisë, inovacionit, digjitalizimit, logjistikës, transportit dhe energjisë, njoftoi BTA.